Къардэн бубэ биография доклад на кабардинском языке
Обновлено: 30.06.2024
Куашев, Бетал Ибрагимович – советский кабардинский поэт-новатор, писатель, переводчик. Родился 22 ноября 1920 г., в с. Докшоково Нальчикского округа Терской области (ныне Старый Черек) Урванского района. В 1941 году добровольно ушёл на фронт и воевал до конца войны. Был несколько раз тяжело ранен. При освобождении города Витебск, водрузил над городом Красное знамя. Бетал закончил войну в звании майора и за боевые заслуги был награждён орденами Красного знамени, Александра Невского, Отечественной войны II степени, Красной звезды и другими медалями.
1 мая 1957 года погиб (в Нальчике) при невыясненных обстоятельствах.
УЭ УМЫЩI IУМПЭМ СИ ГУАЩIЭР!
Мы усэ сатырхэр усакIуэ телъыджэ КIуащ БетIал и къалэмыпэм къыщIэкIат дунейм ехыжыным ипэIуэкIэ.
БетIал зыми ещхьтэкъым. Ар нарт лIыхъужьт. Нарт хъыбархэм сыкъыщеджэкIэ, БетIал абыхэм яхызолъагъуэ. УсакIуэр фIыуэ зыцIыхуахэм ятхыжа гукъэкIыжхэм уахэплъэмэ, мы щIалэр дауэ хъуами зы нарт щылъхущ
жыуегъэIэ – и псэукIари абыхэм ящхьщ, и дунейр гуузу зэрихъуэжа щIыкIэри аращ. Нобэр къыздэсым щхьэихауэ жаIэкъым накъыгъэм (майм) и 1-м къэхъуа дыдэр – нартхэм я щыщ зы лIыхъужь кIуэдыкIэу кIуэдыжащ.
КIуащ БетIал литературэм кIыхьу хэтакъым – илъэси 10 къудейщ къэбгъэлъэгъуэфынур. Ауэ, а илъэсипщIыр илъэс куэд и уасэт – БетIал цIыхухэм я гум фIыкIэ къинащ, абы теухуауэ гукъэкIыж гъэщIэгъуэнхэри мащIэкъым, зауэлI нэсу щытащ, къэхутакIуэуи лэжьащ, икIи зэдзэкIакIуэт, уэрэдхэми хэIэбат. Мис ахэр зы тхылъым иту адыгэбзэмрэ литературэмкIэ егъэджакIуэм IэщIэплъхьэну уасэ иIэтэкъым. ИтIанэ ухуитт, усакIуэ КIуащ БетIал адыгэ щIэблэм щIамыцIыхур сыт жыпIэну.
Алийрэ Алимрэ адыгэбзэм и алыфбеймэ, абыхэм къакIэлъыкIуэр БетIалщ. Мыхэращ адыгэ литературэм, анэдэлъхубзэм лъабжьэрэ блынрэ хуэхъуар. Ауэ литературэ Iуэху къудейкъым мы усакIуи 3-р апхуэдизу ин зыщIар, атIэ езыхэм я лIыхъужьагъэращ – къикIуэт ямыIэу зауэм зэрыIутахэм ещхьу литературэми лIыгъэ щызэрахьащ, дунейми цIыхуфIу тетащ. Аращ мыхэр гукъинэж тщызыщIыр.
гукIэ зымыщIа е фIыуэ щымыгъуазэ. Мы усэ тхыгъэхэр литературэмкIэ ди еджапIэ программэм хэтт, еджакIуэхэм я анэдэлъхубзэ тхылъхэм итт.
КIуащ БетIал, Алий сымэ фIыуэ сэзыгъэлъэгъуар адыгэбзэмкIэ си егъэджакIуэ, ди еджапIэм и унафэщIу илъэс куэдкIэ лэжьа Абазэ Бетэт. Абы и лэжьыгъэм фIыуэ хищIыкI къудейтэкъым, ар икIи гъэсакIуэт, еджапIэри фIыуэ зэрихьэт. Апхуэдэу, КIуащ БетIал усакIуэм ди егъэджакIуэр дахащэу къытхутепсэлъыхьат. Иджыпсту и дерсым сыщIэс хуэдэу соцIыхуж къыджиIахэр. Абы щыщу мыри: «Майм и 1-м Налшык дыдэту, цIыху куэд
Сабийр школым щыщIэсым дежщ тхылъыфIхэм щебгъэджэнур, ари къыхэщыпыкIа защIэу фIым я фIыжу, усэ дахэ куэди гукIэ зригъэщIэн хуейщ – мыбы къэрал пщалъэ иIэщ: илъэсым усэ 20 гукIэ зригъэщIэн хуейуэ, ар е 5-нэ классым щыщIэдзауэ е 9-нэм нэс. Псори зэхэту уси 100 мэхъу, адрей классхэр къыхэдмыгъэхьэми. Уси 100 гукIэ зэзыгъэщIам и анэдэлъхубзэр щыгъупщэжын? Иджы дызэвгъэупщIыжыт: гъэзэщIа хъууэ пIэрэ мы къалэныр?
Адыгэ сабийр еджапIэм щыкIуэ илъэс пщыкIузым къриубыдэу сыхьэт зыбгъупщI кърет БетIал и творчествэр иджыну. Ар мащIэ хьэмэрэ куэд? КIуащ БетIал и зэфIэкIыр къэплъытэмэ, ирикъунщ пхужыIэнкъым, ауэ Iуэхур здэщыIэр мыхэри екIуу цIыкIухэм бгъэдалъхьа зэрымыхъуращ. УсакIуэхэм, тхакIуэхэм я творчествэм, я биографием щыщ пычыгъуэ гъэщIэгъуэнхэр художественнэ тхыгъэхэм епхауэ, абыхэм удихьэхрэ гукъинэжу егъэджакIуэр тепсэлъыхьыфкъым – жиIэнур ищIэкъыми. Темэ къэбгъэнэIуам еджакIуэ цIыкIухэр дебгъэхьэхынумэ, уэ, езы егъэджакIуэр, а узытепсэлъыхьым ущыгъуазэу къэмынэжу, фIыщэу плъагъуу щытын хуейщ. Адрей предметхэм литературэр къащхьэщокI – мыр хабзэкъым – тIум тIу хэплъхьэмэ плIы къыщIидзу, атIэ литературэр зэпхар лъагъуныгъэращ. Сытым тепсэлъыхьу щытми, къиIуатэр лъагъуныгъэщ, къызэриIуатэри лъагъуныгъэбзэщ, ари уи анэдэлъхубзэ дахэмкIэ къыщыIум деж, уи Iуэхушхуэ хэмылъыжу, генетикэр мэлажьэ.
Хы адрыщIым къыщыхъу куэдым
Ящыщ зыщ иджы
КъиIуэтэнур си уэрэдым, –
Стхар си макъкIэ вджы…
Оклахомэ гъэ тIощIанэм
Къыщалъхуат щIалитI,
Зэхэгъэж зыщI лъахэ-анэм
Къаритау гъуэгуитI…
Ноби аращ. КIуащым и усэхэм, зэманым декIужкъым жыпIэу, хэбдзынышхуэ хэткъым – абыхэм екIуу цIыкIухэм уакъыхуеджэн, яхузэпкъырыпхын хуейуэ аркъудейщ. Ар зи къалэныр егъэджакIуэхэращ, дауикI, ауэ Iуэхур здэщыIэр ахэр тэмэму ди еджапIэ учебникхэм зэримытращ.
США-м и кIуэцIкIэ мы лъэхъэнэм
Хуэдэ митинг куэд
Хъуащ щекIуэкI, дэтхэнэм
ХуэпщIыфын щхьэкIуэд? – жеIэ авторым.
И ГЪАЩIЭР, И КЪЕКIУЭКIЫКIАР
КIуащ БетIал 1920 гъэм щэкIуэгъуэм и 22-м Дохъущыкъуей (Старэ Шэрэдж) къыщалъхуащ. Къуажэ еджапIэм илъэситхукIэ щеджа нэужь, БетIал Псыхуабэ дэта педфакым щIэтIысхьащ. Ар 1936 гъэм къиухри, Къэбэрдей – Балъкъэр пединститутым 1940 гъэ пщIондэ щеджащ. Бзэмрэ литературэмрэкIэ ищхьэ щIэныгъэ зригъэгъуэтауэ, а гъэ дыдэм Приморскэ крайм и Совгавань щIыналъэм хыхьэ Нельманскэ е 2-нэ курыт еджапIэм кIуэри, абы и унафэщIу икIи урысыбзэмкIэ и егъэджакIуэу щылэжьащ. ЕджапIэм зы илъэскIэ щылэжьауэ дзэм хыхьэри, 1942 гъэ пщIондэ Тихоокеанскэ флотым къулыкъу щищIащ. А илъэс дыдэм, БетIал лъаIуэри, зауэм кIуащ икIи Хэку зауэшхуэр иухыху Iэщэр игъэтIылъакъым. Сэлэт къызэрыкIуэу щIедзэри, зауэр еух майору, фочауэ батальоным и командиру.
ГурыIуэгъуэу къыщIэкIынщ, БетIал апхуэдэ Iуэху къыщытрагъахуэм, урысыбзэм щIыгъуу нэмыцэбзэри фIыуэ ищIэу зэрыщытар. Адыгэбзэм и гугъу тщIыкъым, къыдалъхуащи. Мыбдеж къезэгъыну къысщохъу зы дэфтэр, БетIал хамэщIым къыщратауэ:
1947 гъэм КIуащыр дзэм къыхэкIыжри хэкум къэкIуэжащ. ЩIэныгъэ-къэхутакIуэ институтым илъэс зыбжанэкIэ щылэжьа нэужь, Москва аспирантурэм щIэтIысхьащ икIи 1951 гъэ пщIондэ абы щеджащ. Аспирантурэм щыщIэса илъэсхэм КIуащ БетIал адыгэ IуэрыIуатэр куууэ иджащ, абы и пкъыгъуэ нэхъыщхьэхэмрэ и хьэлэмэтхэмрэ къихутащ. Иужьым Налшык къигъэзэжри Къэбэрдей щIэныгъэкъэхутакIуэ институтым щылэжьащ, бзэмрэ литературэмрэкIэ къудамэр зэрихьэу. Мыпхуэдэ дэфтэр щыIэщ:
Мы дэфтэрыр БетIал къезытам – Тресков Илья Васильевич – си щхьэкIэ университетым сыщригъэджащ. Ар Урысейм IуэрыIуатэмкIэ и щIэныгъэлI лъэрыхьт, фIыщэу и Iуэхум хищIыкIт. БетIал щхьэкIэ стхым хуэдиз Трескови хуэстхыфынут, апхуэдизу егъэджакIуэ нэсу щытащи. Адыгэ щIэныгъэм и къежьапIэу щыт Нэгумэ Шорэ и гъащIэм теухуауэ псом нэхърэ нэхъ лъэщыр арат. СфIэхьэлэмэтар: дунейм сыкъытемыхьэ щIыкIэ БетIал и дунейр ихъуэжами, абырэ сэрэ зы егъэджакIуэ дызэриIаращ.
КIуащ БетIал щIэныгъэ къэхутакIуэ институтым щылажьэм щыгъуэ, езым япэ иту и хьэр пэшым щIэлъадэти, и Iэнэм хуиту къытегъуалъхьэт. Абы щхьэкIи къэхутакIуэр псалъэмакъхэм хэт зэпытт, езым ар къригъэкIуми,
адрейхэр куэду къыхуэарэзытэкъым, ауэ, дауэ ищIми, и Барсик зыхуейрат
игъэнэхъапэр. Мы тIур лъагъуныгъэшхуэкIэ зэпыщIат, хэбгъэзыхьмэ, псэ зыIуту дунейм тетахэм псом нэхърэ нэхъыфIу усакIуэм илъэгъуар и хьэрагъэнщ, кIуэ, сэ и унагъуэм и гугъу сщIыкъым. КIуащым зы къуэ иIэт, абы и цIэри БетIалт (ар 1953 гъэм къалъхуащ), мыр зыхуитхар, дауикI, и щIалэрагъэнщ:
Си псэ, си нэ, псэм къесхьэкI,
ГъащIэу сиIэр къызыхуесхьэкI,
Си уэрэдым уэ дэжей,
Си къуэ закъуэ, жей.
Нало Заур студент пэшым къедгъэблагъэурэ анэдэлъхубзэм и IэфIыр куууэ зыхэзыщIэу щыта усакIуэм тедгъэпсэлъыхьт. Налом КIуащым и тхыгъэхэр зэригъэзэхуэжри, къыдэгъэкIыным хуигъэхьэзырат. Iуэхур зэрыщыта дыдэм ущIэупщIэмэ, БетIал и тхыгъэхэр зэхуэхьэсыжыным куэду елэжьар, усакIуэм ди литературэм щиубыд увыпIэр зыгъэбелджылар Налоращ. Заур жиIам дытету аращ иджыри. Апхуэдэ лэжьыгъэфI куэд Нало Заур адыгэм яхуищIащ. Псапэу Тхьэм къритыж!
ЕгъэджакIуэ, щIэныгъэлI, тхакIуэ Нало Ахьмэдхъан псэухукIэ, ар щылэжьа КъБкъУ-м и адыгэбзэмкIэ и кафедрэм, езым и Iэнэм тебза абджыпсым къыпхырыплъу КIуащ БетIал и сурэт телъащ, – усакIуэр удзыпцIэм хэлъу. Иужьым здахьыжар сщIэкъым. Сигу къоуэ нэхъыжьхэм
къаIуэтэжа хъыбархэр зэрызмытхар, сурэтыр зэрызмыхъумэфар. Иджыпсту щыIэ зэратх Iэмэпсымэхэм хуэдэ абы щыгъуэм щыIакъым, ауэ щыIэр къэзгъэсэбэпу, зыгуэрхэр схъумами хъунут. КъаIуэтэжхэр гъэщIэгъуэн защIэт. Псом хуэмыдэу, усакIуэмрэ и хьэмрэ ятеухуа хъыбархэр зы тхылъ хъунт. Зы къыхэзгъэщынщ: усакIуэр дунейм ехыжауэ, ар щагъей пэшыр етIуанэ къатти, хьэр абы щIагъэхьэнт – Iуфэлъафэр къижыхьт. Иужьым зиIэтри, щхьэгъубжэмкIэ дэлъат. УсакIуэр щIалъхьа нэужькIи, и кхъащхьэр и хьэм ихъумащ.
Адрей гукъэкIыж хъыбар псоми, усакIуэр къыбгурыIуэн щхьэкIэ, мыхьэнэшхуэ яIэщ. Ахэр имыгъусэмэ, КIуащыр ауэ къызэрыгуэкI зы адыгэ усакIуэу къыпщыхъунщ.
ПхужымыIэну Iуэху щхьэпэщ Котляров Виктор ищIар – БетIал илъэси 100 щрикъум хуэгъэза пэкIур – щэкIуэгъуэм и 22-м – дахащэу иригъэкIуэкIащ. Иджыпсту ехуэхыпа ди щэнхабзэр къыдриIэтеижри, дэкIуеипIэ лъагэм быдэу тригъэувэжащ, – абдежи зыкъомрэ зыщиIыгъынщ. Виктор Николаевич щапхъэфI къигъэлъэгъуащ: пщIэ къэзылэжьым пщIэшхуэ хуэщIын зэрыхуейр. БетIал теухуа тхылъыр къыдигъэкIри, игуэшащ. ЕтIанэгъэ – тхылъыфI, усакIуэм и творчествэр щызэхуэхьэсауэ къыдигъэкIыну пэкIум щыжиIащ. Илъэси 5 ипэкIэ сыныр щигъэувыжым, мы Iуэхур интернетым куэду ита пэтми, цIыхуу къекIуэлIар мащIэт. Иджыпсту апхуэдэтэкъым. ЦIыхухэри къекIуэлIат, илъэси 100 ирикъу усакIуэм удз гъэгъахэри куэду къыхуахьат. Си гугъэщ дяпэкIэ усакIуэм и цIэр нэхъыбэрэ къаIэтыну. Ауэ, нэхъыщхьэр, куэд зымыгъащIэу куэд зылэжьа КIуащ БетIал и Iэдакъэ къыщIэкIа тхыгъэ псори дунейм къытегъэхьэнращ. Ар зэфIэкIмэ, усакIуэ телъыджэм и усыгъэм я фIыпIэр къыхэхауэ адыгэ литературэ тхылъхэм игъэувэн, нобэрей щIэблэр щыгъуазэ хуэщIын хуейщ.
БАКЪ Зерэ,
филологие щIэныгъэхэм я доктор, профессор
Сэ гутедзэкIэ Тифлис сыкъикIыжырт. Си гум хьэлъэу илъыр зэрыхъур зы шумэдан цIыкIут, - абыи и зэхуэдитIыр Грузием теухуауэ тха гъуэгу тхыгъэхэмкIэ кудауэ. Абыхэм я нэхъыбэр, фи насыпти, кIуэдащ, ауэ шумэданыр, адрей хьэпшыпхэр щIыгъуу, си насыпти, хэмыкIуэдыкIIауэ къэнащ.
Бгы гуэрэныщхьэхэм дыгъэр къухьэу хуежьакIэт, сэ Къуейшаур Ауз сыщыдыхьам щыгъуэ. Жэщ къыттемыщхъуэу Къуейшаурыбг дыдэкIын папщIэ, шыгуху-осетиныр емызэшыжу шыхэм яхэуэрт, и макъым къызэрикIкIи уэрэдыжьыр къыришырт. ЩIыпIэ гъуэзэджэщ мы аузыр! ИхъуреягъкIэ бгым къыщхьэщытщ бгъэдыхьэпIэншэжь мывэ хьэдзэ плъыжьыжьхэр, лъэнтхъуий щхъуантIэ бырыбхэмрэ бжеищхьэ гуэрэнхэмрэ зэщIаблауэ, псыдэжыпIэ лъагъуэхэм зэхабзыхьа щыхупIэ гъуэжьхэр иIэу, адэкIэ жыжьэрэ-жыжьэу удэплъеймэ, дыщэ кхъуакIафэу уэсыщхьэхэр къолъагъуэ, лъэгумкIэ цIэ зимыIэ псы цIыкIу гуэрым Iэплэ иришэкIауэ Арагвэ йожэх, кIыфIыр зи бэ ауз зэвым Iэуэлъауэу къызэрыдэхуу, дыжьын Iуданэу укъуэдияуэ, блафэ зэтещIэхэм хуэдэуи зэщIэпщIыпщIэу.
Къуейшаурыбг лъапэ дынэсри дыкъыщыувыIащ духаным деж. Мыбдеж щызэхэтт грузинхэрэ бгырысхэу зы тIощIырыпщI; мыжыжьэуи махъшэ чэруанакIуэ гуп жэщщыс къыщыувыIат. Емынэр зыхуэкIуэн а бгым си гур дэслъэфын папщIэ сэ вы бэджэндхэр къэсщтэн хуей хъуащ, сыту жыпIэмэ зэманыр бжьыхьэт икIи Iумыл бзаджэт,-езы бгыми верститI нэс и кIыхьагът.
Сыт сщIэнт, сэ пщIэкIэ къэсщтащ вихрэ осетин зыбжанэрэ. Абыхэм ящыщ зым и плIэм си шумэданыр иригъэукIуриящ, адрейхэр кIий къудейкIэ выхэм ядэIэпыкъуу щIадзащ.
Сэ си ужьым иту виплIым ныдашырт зы гу гуэр, абы къыщхьэпырыпIиикIыу изу хьэпшыпыр илъ щхьэкIэ, къазэрехьэлъэкI щIагъуэ щымыIэу. Сэ ар гъэщIэгъуэн сщыхъуащ. Гур зейр абы и ужь иту къакIуэрт, дыжьын зытегъэлъэда и адыгэ лулэ цIыкIум екъуурэ. Абы офицер къэптал щыгът дамэтелъ темылъу, адыгэ пыIэ бэлаци щхьэрыгът. Ар къыпфIэщIырт илъэс щэныкъуэм иту; абы и напэ къамылыфэм къуигъэлъагъурт ар Кавказ-щIыб дыгъэм зэрыщыгъуазэр, ауэ игъуэ нэмысу тхъуа и пащIитIыр абы и лъэ быдэ кIуэкIэмрэ и жыджэрыфэмрэ зыкIи декIуртэкъым. Сэ абы сыбгъэдыхьэри щхьэщэ хуэсщIащ; абы псалъэмакъыншэу щхьэщэ къызитыжащ, Iугъуэ гуэрэн ини къызыжьэдыригъэхуащ.
- Дэ дызэгъуэгурыкIуэу сфIощI?
Абы зыри жимыIэу аргуэру щхьэщэ къысхуищIащ.
- Уэ Ставрополь укIуэ хъунщ?
- Ардыдэщ… кIэзонэ хьэпшыпхэр сошэ.
- КъыджыIэт, уигу хьэлъэр зыкIи къафIэмыIуэхуу виплIым щыдашыфкIэ, сэ си гу IэнэщIыр вихым, ари осетинхэм я жэрдэмкIэ, ерагъкIэ фIэкIа щIыдамылъэфыфыр сыту пIэрэ?
Ар хилагъэ хэлъу пыгуфIыкIри, моуэ хэIэтыкIауэ къызэплъащ.
- Куэд щIа хъункъым уэ Кавказ узэрыщыIэрэ?
- Зы илъэс хуэдиз мэхъу,-жэуап стащ.
Ар етIуанэу пыгуфIыкIащ.
- ЗырикI ауэ! Бзаджэщ мы азиатхэр! Ахэр зэрыкIиймкIэ выхэм ядэIэпыкъу уи гугъэ уэ? Емынэм ищIэнщ абыхэм къакIийр? Езы выхэм, дауикI, къагуроIуэ абыхэм жаIэр; вы тIощI щIэпщIэми, итIани и пIэм зырачынкъым, а езы цIыхухэр зэрыхуейуэ ящIэкIиями… Хьилэшы бзаджэхэщ! Сыт епщIэн абыхэм. ЯфIэфIщ блэкIхэм ахъшэ куэдыIуэ къытраудын… ЩагъэкIащ а бзаджащIэхэр! Плъагъункъэ, уэ абыхэм лейуэ аркъэ уаси пIахынщ. Ауэ сэ фIыуэ соцIыху ахэр, сэ абыхэм сыкъагъэпцIэфынкъым!
- Уэ мы щIыпIэм къулыкъу зэрыщыпщIэрэ куэд щIа?
- ЩIащ зыкъом, сэ мыбы къулыкъу щызощIэ Алексей Петрович и зэман лъандэрэ,-жиIащ абы зигъэбжьыфIэу. – Ар Линием къыщыкIуам щыгъуэ, сэ подпоручикыу сыщытащ,-къыщIигъуащ абы ,- ар мыбы щыщыIам щыгъуэ бгырысхэм ятщIэкIа зауэм сызэрыхэтам папщIэ чинитIкIэ сыдырагъэкIуэтеящ.
- АтIэ иджы дэнэ ущыIэ.
- Иджы сэ езанэ линейнэ батальоным къулыкъу щызощIэ. Хуит сыкъэщI сыноупщIыну, уэ ухэт.
Сэ абы жэуап естыжащ.
Ди зэпсэлъэныр абыдежым щиухащ, дэ тIури дызэбгъурыту псалъэмакъыншэу дыкIуэрт. Бгыщхьэм уэс телъу дыщыIущIащ. Дыгъэр къухьащ, икIи, югым зэрыщыхабзэти, занщэу махуэм жэщыр къыпыхъуащ, ауэ уэс къытенэхукIым и сэбэпкIэ дэ гъуэгур тыншу тлъагъурт, ар иджыри бгым дэкIырт, къэткIуам хуэдэу мызадэжу щыт пэтми. Сэ унафэ сщIащ си шумэданыр шыгум иралъхьэну, выхэр щIатIыкIыу шыхэр щIащIэжыну, иужьрей дыдэуи сыкъызэплъэкIри аузым сыкъыдэплъэжащ,-ауэ ауз зэвым къыдихуа пшэ гуэрэн Iувхэм ар яуфэбгъупат икIи абы къикIыу зы макъ закъуи ди тхьэкIумэм къиIуэжыртэкъым. Осетинхэм зэрызехьэу, Iэуэлъауэу сыкъаувыхьауэ аркъэ уасэ къыдэт жаIэрт; ауэ штабс-капитаныр апхуэдизу шынагъуэу абыхэм ящIэкIияти, ахэр напIэзыпIэм зэбгрыжыжащ.
Станцым дынэсыным иджыри зы верст хуэдиз иIэт. ИхъуреягъкIэ щымт, апхуэдизкIэ щымти, бадзэ блэлъэтым и макъымкIэ къэпщIэнт абы зыдигъазэ лъэныкъуэр. СэмэгурабгъумкIэ къэфIыцIэрт ауз куур; абы адэкIэ ди япэкIэ уэс зытелъ бгыщхьэ фIыцIэщIыхуфэу зэлъахэм хуэдэхэр уафэ джабэ фагъуэм къыхэнэIукIхэрт, дыгъэ къухьэгъуэ пшэплъым иужьрей нурыр иджыри абы текIуэдыкIатэкъым. Уафэ кIыфIым вагъуэхэр къыщызэщIэпщIыпщIэу хуежьат, икIи, гъэщIэгъуэнракъэ, сэ ахэр ди север щIыпIэм нэхърэ мыбы нэхъ щылъагэу къысфIэщIащ. ГъуэгубгъуитIымкIи мывэ пцIанэ фIыцIэжьхэр къыщыпIийхэрт; щIыпIэ-щIыпIэкIэрэ уэс щIагъым чыцэ гуэрэн къудамэхэр къыщIэплъырт, ауэ зы тхьэмпэ гъуаикI хъейртэкъым, икIи гум щIэщIа шищым я пырхъ макъымрэ зэдэмууэ жьгъыжьгъ урыс уэзджынэ цIыкIухэмрэ апхуэдэ даущыншэм къыхэIукIыу зэхэпхыныр гухэхъуэт.
- Пщэдей махуэ уэфI гъуэзэджэ хъунущ!-жысIащ сэ. Штабс-капитаным зы псалъи жэуапу къитакъым икIи и Iэпэ ишийри сигъэлъэгъуащ ди пащхьэмкIэ зыщызыIэт бгы лъагэр.
- Сыт ар? – сыщIэупщIащ сэ.
- Еплъыт абы пшэр зэрыщызеуэм.
Пэж дыдэуи Гъудыбг пшэр щызеуэрт; абы ибгъу лъэныкъуэхэмкIэ пшэ псынщIэ псыгъуэ цIыкIухэр щызепщыпщэрт, езы бгыщхьэ дыдэм пшэ фIыцIэ гуэрэн къытелът, а пшэр апхуэдизу фIыцIэти, уафэ кIыфIым бжьыгъэ сурэту щыплъагъурт.
Дэ пощт станцыр къэтлъагъуу хуежьат, ар къэзыухъуреихь унэжь цIыкIухэм я щхьэхэр ди нэм къищтэ хъуат, мафIэ цIыкIухэр ди пэкIэ мащIэ-мащIэу къыщынаIуэ хъуат, жьы щIыIэ псыIэр къыщытIурыуам, аузыр къызэщIэгъуагъуэу, уэшх щабэ къешхыу щыхуежьам щыгъуэ. Сэ щIакIуэр зэзубгъуэкIа къудейуэ, уэсыр къыриупцIэхыу щIидзащ. Сэ щIыхьышхуэ хэлъу сеплъащ штабс-капитаным…
- Дэ мыбы жэщ щыдгъэкIуэн хуей хъунущ,-жиIащ абы и жагъуэу,-мыпхуэдэ борэным бгыхэм уащхьэпырыкI хъунукъым. СлIожь? Жорыбгым уэс къыгуэу щыIа? – еупщIащ ар шыгухум.
- ЩыIакъым, зиусхьэн,-жэуап къитыжащ шыгуху-осетиным, - ауэ гъунапкъэншэу куэд гуэлъщ къыгуэун къудейуэ.
ГъуэгурыкIуэ блэкIхэм папщIэ станцым пэш зэрыщымыIэм къыхэкIкIэ, дэ бгырыс унэ IугъуэзащIэ къыдатащ жэщ щыдгъэкIуэну. Сэ къезджащ си гъуэгурыкIуэгъур, шаибжьэ къыздефэну, сыту жыпIэмэ шыгун шайныкыр – Кавказыр къыщыскIухькIэ гурыфIыгъуэу сиIэ закъуэр – сIыгъти.
Бгырыс унэр зы джабэ лъэныкъуэмкIэ бгым кIэрыгъэпщIат; теувапIэ цIэнтхъуэрыгъуэ псыфищым ухуашэрт абы и бжэм. Сэ сыIэбэрабэурэ сыщIыхьащ икIи жэмым сыжьэхэуащ (мыбыхэм жэмэщыр унэIутэщ папщIэу яIэщ). Сэ сыздэкIуэнур сщIэртэкъым: мыбдежым мэлхэр щогъуэ, модэкIэ хьэр мэгурым. Насыпыр сиIэти, лъэныкъуэкIэ мафIэ фагъуэ цIыкIу къэцIури бжэм ещхь хуэдэу нэгъуэщI гъуанэ гуэр къэслъэгъуащ. Мыбдежым теплъэ гъэщIэгъуэн си нэгум къыщIэхутащ: зи щхьэр пкъо кIагъуэзащIитIым иIыгъ бгырыс унэм цIыхухэр щIэзт. Унэкум ищIыхьа мафIэ цIыкIур пIэнкIырт, унащхьэ гъуанэм ирамыгъэкIыу и кIуэцIым жьым къыщIихуэж Iугъуэр ихъуреягъкIэ апхуэдизкIэ Iувти, сэ куэдрэ абы зыгуэри къыхэслъагъукIын слъэкIакъым; мафIэм бгъэдэст фызыжьитI, сабий куэд, бэлэбанэу хуэпа зы грузин къуэгъу гуэр. НэгъуэщI Iэмал щыIэтэкъым, дэ мафIэм детIысылIащ, ди лулэхэр зэщIэдгъэнащ, куэд мыщIэуи ди шайныкыр нэжэгужэу къэIэуэлъэуащ.
- ЦIыху насыпыншэхэщ!-жесIащ штабс-капитаным, я пIэм ижыхьа хуэдэу я нэхэр тенауэ къыдэплъу щыс унэрысхэмкIэ си щхьэр сщIыри.
- Ахьмакъхэщ!-жэуап къитащ абы. – Уи фIэщ пщIырэ? ЗэфIэкI лъэпкъ яIэкъым, зы щIэныгъэ гуэри къагурыIуэнкIэ Iэмал иIэкъым! Ауэ ди адыгэхэмрэ шэшэнхэмрэ, ахэр бзаджащIэхэу, пцIыупсхэу щыт пэтми, ахъырзэманхэщ, мыбыхэм Iэщэ къудейми гукъыдэж хуаIэкъым: моуэ дахэ-дахэу къамэ кIэрыщIауэ абыхэм ящыщ зыгуэри плъагъункъым. Нэсауэ осетин дыдэхэщ!
- Уэ куэдрэ ущыIа Шэшэным?
- Сэ илъэсипщI хуэдизкIэ ротэ сIыгъыу быдапIэм сыдэсащ, Каменнэ Бродым деж,-пщIэрэ уэ ар?
- Дужэгъуащ, щIалэ, дэ а щхьэпыупщIхэр; Тхьэм и шыкуркIэ, иджы ахэр нэхъ IурыщIэ хъуахэщ, ауэ япэм щIы зэтетхъуам лъэбакъуищкIэ уIукIамэ, алмэсты гуэрым къуэгъэнапIэм зыкъуигъэпщкIуауэ къыщыст: тIэкIунитIэ убэлэрыгъакъэ – аркъэныр уи пщэм къыфIэхутэнут, е уи щхьэ щIыбым шэр къыхигъэтIысхьэнт. Дауи щырети, лIы мэхъухэр.
- Уэ гъэщIэгъуэн куэдхэр уи нэгу щIэкIагъэнщ? – жесIащ абы, зыгуэрхэр къэсщIэным сызэIэпишэу.
- Щхьэ щIэмыкIыу! Слъэгъуащ зыкъом…
- Ром тIэкIу шайм хэпкIэным дауэ уеплърэ? – жесIащ си псалъэгъум,- сэ Тифлис щащIа ром хужь сиIэщ; иджы щIыIэщи ар бзаджэкъым.
- Хьэуэ, фIыщIэшхуэ пхузощI, сефэркъым.
- Ар сытым къыхэкIыу?
- Ауэ сытми. Сэ псалъэ быдэ зэстыжащ семыфэну. Плъагъуркъэ, сэ подпоручикыу сыщыту зэгуэрым дызэрегъэфауэ, тревогэ къэхъуащ; арати, дэ дычэф жану зауапIэм дыIухьащ. Ар Алексей Петрович къищIэри, Тхьэм ищIэнщ дызэригъэлъар! Зы мащIэщ къэнэжар судым дыритыным. Ар езыри тэмэмщ, языныкъуэм илъэс псокIэ зы цIыхуи ущытемыплъэ щыIэщ, абы аркъэр къыхыхьэжмэ – итIанэ цIыхур кIуэдыпащ.
Ар щызэхэсхым, си гугъэр хэсхыжыпэным сынэсат.
- Плъагъуркъэ, шэрджэсхэми ящIэр,- къыпищащ абы адэкIэ: - махъсымэ зэрегъэфэнщ хьэгъуэлIыгъуэм е хьэдэIусышхым дежи, итIанэ зэрыупщIатэу хуежьэнщ. Сэ зэгуэрым си щхьэр абыхэм ерагъкIэщ къазэрыхэсхыжар, ари дифI пщым деж хьэщIапIэ сыщыIэу.
- Для учеников 1-11 классов и дошкольников
- Бесплатные сертификаты учителям и участникам
Адыгэбзэ литерэтурэмк1э
урок зэ1уха
Лицей 1-м и егъэджак1уэ
Тхьэзэплъ И.М.
Мурадыр : Гъэм и зэманхэм тепсэлъыхьын, гъатхэ зэманым тепсэлъыхьын, дунейм зэрызихъуэжым гу лъегъэтэн; бзэм зезыгъэужь лэжьыгъэ егъэк1уэк1ын.
Нэрылъагъу хьэпшыпхэр: интерактивнэ доска, компьютер, проектор, Къардэн Бубэ и сурэт, анэдэлъхубзэ 2 класс.
Урокым и план:
Упщ1эхэм жэуап ярегъэтын.
1.1.Щалэц1ык1умрэ Муратрэ я зэныбжьэгъугъэр дауэ къыщыгъэлъэгъуа мы тхыгъэм ?
1.2. Сыт щ1алэц1ык1ум гу зылъитамрэ ищ1амрэ?
1.3. Хэт щ1алэц1ык1ум къыдэ1эпыкъуар ?
1.4. Мурат я унэ хадэр бжэнхэм яхъу къыщищ1ам сыт ищ1ар?
1.5. Мурат я унэ хадэм зэрыхуэжар фи псалъэк1э къыжыф1э.
2. Физ. минутка
Мыщэ, мыщэ, мыщэ ц1ык1у ,
Зек1уэ мыщэ си къуэш ц1ык1у,
Уи 1эр 1эт къехьэхыж.
Къытхуэгуф1и уэ т1ысыж.
3. Хэзышэ беседэ егъэк1уэк1ын.
Усэм къахуеджэн.
Гъатхэ губгъуэм крипхъащ
Зэщ1эпщ1ыпщ1у удз гъэгъа.
Ц1ык1ухэр губгъуэм илъэдауэ
Удз гъэгъа къащып зэгъусэу.
Щхьэж къигъуэтыр ф1эдэхэжу,
Гъатхэ губгъуэр ягъэбжьыф1э
Хэт къызжи1эн сыт зытеухуар мы усэр? (Гъатхэм)
Гъэм зэман дапщэ и1эу фэ фщ1эрэ? Сыт худэ ахэр?
(бжьыхьэ, щ1ымахуэ, гъэмахуэ, гъатхэ).
Абыхэм дэтхэнэ зыми езым дахагъэ и1эщ.
Бжьыхьэм - у дзхэр мэгъуж, жыгхэм тхьэмпэхэр къаполъэлъ алэрыбгъум ещхьыу жыг лъабжьэм щ1элъщ. Дэнк1и плъэи дунейр дыщафэщ. Гъавэхэр 1уэхыж, хьэуам и хуабагъым зехъуэж.
Щ1ымахуэм- фащэ хужк1э дуней псор ехуапэ.
Гъэмахуэм дуней псор мэщ1эращ1э, дэнк1и уплъэмэ бзуц1ык1ухэр уолъагъу я уэрэдхэр зэхыбох.
Къэнэжар гъатхэщи илъээс псом хэткъым гъатхэм нэхърэ нэхъ дахэ. Гум ф1э1эф1у дыгъэр къопс , уафэр къабзэщ, дуней псор апхуэдизк1э зэщ1огъагъэри дэнк1и удз гъэгъа дахэхэм нэжэгужэ уащ1, псэр егъэгуф1э.
Хэт ищ1эрэ гъатхэ мазищым яц1эхэр?
Март (мазэр) – гъатхэпэ
Апрель (мазэр) - мэлыжьыхь
Май (мазэр) - нэкъыгъэ
Слайд 11,12,13
Гъэтхэпэ (март) мазэм - мыл 1увхэр дыгъэ хуабэм къигъачэу хуожьэ. Къуршхэм къыщежьа уэсыпс инхэм мыл къутахуэхэр ирахьэхыж ик1и псышхуэм хуэдэу, хъущ1эу ежэхыу щ1едзэж. Псом япэ дыдэу къожьэ ажэгъуэмэ жыхуи1э удзыр.
Слайд 14, 15,16
Мэлыжьыхь (апрель) мазэм – удз щхъуант1э ц1ык1ухэр къыхож жыгхэм гулъ къащ1у хуожьэ, ит1анэ ахэр къот1эп1 тхьэмпэ щхъуант1э дахэу заубгъухэр.
Слайд 17,18,19.
Псом хуэмыдэу дахэщ нэкъыгъэ (май ) мазэр - дуней псом къуэлэн дахэу зыкъехуапэ. Жыгхэм псоми гъэгъэк1э зырыз я1эщ.
Сыт хуэдэ къуалэбзухэр гъатхэм къэлъэтэжрэ? Хэт ищ1эрэ?
Слайд 21,22,23,24,25,26,27,28
Мы тхыгъэр зытхар Къардэн Бубэщ .
Къардэн Бубэ и сурэтыр егъэлъэгъун . И гъащ1эмрэ и литературнэ лэжь. тепсэлъыхьын (к1эщ1у).
1917-1988 гъ. Бэхъсэн районым хыхьэ Дыгулыбгъуей къуажэм октябрым и 16-м 1917гъэм къыщалъхуащ. Ар къызыхэк1ар мэкъумэщыщ1э унагъуэщ.
Къардэн Бубэ анэдэлъхубзэм теухуауэ и 1эдакъэ лэжьыгъэ хьэлэмэт куэд къыщ1эк1ащ. Тхыгъэ куэди зэридзэк1ащ.
4.Тхыгъэм къахуеджэн.
5.Псалъэ гугъухэр:
Уафэр мэхъуэпск1- сверкает молния
Уафэр мэгъуагъуэ – гремит гром
Жыгхэр къэт1эп1у хуожьэ – гулъ къащ1, распускаются почки
Былымхэр – 1эш, домашние животные
6.Упщ1эхэм жэуап ярегъэтын.
1.Сыт хуэдэ гъэм и зэман зытеухуар тхыгъэр? (Гъатхэм)
2. Ц1ыхухэм псэущхьэхэм я гъащ1эр дауэ къыхэщрэ мы тхыгъэм?
(Ц1ыхухэм былымхэр губгъуэм хъуак1уэ даху; вак1уэ док1хэр, хадэ ящ1э, жыг хасэ, щыгъын хуабэхэр зэщах , ягъэкъабзэ ялъэщ1ри дахэу хъуным имышхын хуэдэу, ягъэт1ылъыж).
3.Ц1ыхухэм сыт хуэдэ лэжьыгъэхэр ягъэзащ1эрэ? ( Вак1уэ док1хэр, хадэ ящ1э, жыг хасэ).
4.Сыт ц1ыхухэм гъатхэм губгъуэм щыхасэр? (Нэртыху, хъарбыз, хъэуан, къэб, к1эрт1оф, сэхуран).
Иджы фэ вгъэхьэзыра гъатхэм теухуа сочиненэ к1эщ1 ц1ык1ухэм фыкъытхуеджэнщ.
7. Гъатхэм теухуа псалъэжь хэт ищ1эрэ?
Псалъэжьхэр
Гъатхэм тумысар, бжьыхьэм къытепхыжыркъым.
Гъатхэм жеяр бжьыхьэм мэгъыжыр.
Щ1ымахуэм гъатхэр егъэшынэри езыр мэтк1уж.
Гъатхэ уэшхыр лей хъуркъым.
8 . Гъатхэм теухуа нэщэнэхэр
1) Гъатхэр пасэрэ гъэр гъэф1мэ пшагъуафэщ.
2) Гъатхэр гъэгъа нэгумэ, бжьыхьэр гъавэ гупл1эщ жа1эрт.
Если весна с цветущим лицом, то осень с полной телегой.
9. Къуажэхьхэр
Ди пк1эунэм дыщэ баш тельщ. (Дыгъэ бзий )
Зи к1эр дыкъуакъуэ бгыкъур зи унап1э. (Пц1ащхъуэ)
Дунейр зыгъэнэху, псыр зыгъэхуабэ (Дыгъэ)
Фыз ф1ыц1э нэгъуд, щ1ым дыд хэзы1у (Уэшх)
Хуабэ хъумэ – мэдыд , щ1ы1э хъумэ - мэдий (Бадзэ)
10.Егъэбыдылъэн:
Сыт нобэ щ1эуэ къэфщ1ар?
Унэ лэжьыгъэ етын (н. 101-102 ф1. едж.ж.)
- подготовка к ЕГЭ/ОГЭ и ВПР
- по всем предметам 1-11 классов
Курс повышения квалификации
Охрана труда
Курс профессиональной переподготовки
Охрана труда
Курс профессиональной переподготовки
Библиотечно-библиографические и информационные знания в педагогическом процессе
- ЗП до 91 000 руб.
- Гибкий график
- Удаленная работа
Дистанционные курсы для педагогов
Свидетельство и скидка на обучение каждому участнику
Найдите материал к любому уроку, указав свой предмет (категорию), класс, учебник и тему:
5 606 329 материалов в базе
Самые массовые международные дистанционные
Школьные Инфоконкурсы 2022
Свидетельство и скидка на обучение каждому участнику
Другие материалы
Вам будут интересны эти курсы:
Оставьте свой комментарий
- 12.10.2019 647
- DOCX 33.7 кбайт
- 11 скачиваний
- Оцените материал:
Настоящий материал опубликован пользователем Тхазеплова Ирина Мухамедовна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Автор материала
40%
- Подготовка к ЕГЭ/ОГЭ и ВПР
- Для учеников 1-11 классов
Московский институт профессиональной
переподготовки и повышения
квалификации педагогов
Дистанционные курсы
для педагогов
663 курса от 690 рублей
Выбрать курс со скидкой
Выдаём документы
установленного образца!
Учителя о ЕГЭ: секреты успешной подготовки
Время чтения: 11 минут
В Белгородской области отменяют занятия в школах и детсадах на границе с Украиной
Время чтения: 0 минут
Минпросвещения России подготовит учителей для обучения детей из Донбасса
Время чтения: 1 минута
Отчисленные за рубежом студенты смогут бесплатно учиться в России
Время чтения: 1 минута
Академическая стипендия для вузов в 2023 году вырастет до 1 825 рублей
Время чтения: 1 минута
Минтруд предложил упростить направление маткапитала на образование
Время чтения: 1 минута
В Россию приехали 10 тысяч детей из Луганской и Донецкой Народных республик
Время чтения: 2 минуты
Подарочные сертификаты
Ответственность за разрешение любых спорных моментов, касающихся самих материалов и их содержания, берут на себя пользователи, разместившие материал на сайте. Однако администрация сайта готова оказать всяческую поддержку в решении любых вопросов, связанных с работой и содержанием сайта. Если Вы заметили, что на данном сайте незаконно используются материалы, сообщите об этом администрации сайта через форму обратной связи.
Все материалы, размещенные на сайте, созданы авторами сайта либо размещены пользователями сайта и представлены на сайте исключительно для ознакомления. Авторские права на материалы принадлежат их законным авторам. Частичное или полное копирование материалов сайта без письменного разрешения администрации сайта запрещено! Мнение администрации может не совпадать с точкой зрения авторов.
Материал предназначен для использования на уроках родной литературы в 7-м классе.
Цель: познакомить с творчеством Зубера Тхагазитова, привить любовь к своей Родине.
Мурадхэр:1.Тхьэгъэзит Зубер и творчествэм щыгъуазэ щ1ын;
2.Щалъхуа хэкур ф1ыуэ ялъагъуу щытыным еджак1уэ-
хэр хуэущиин; абы иригушхуэу,ар ягъэдахэу щытыным
хущ1эгъэкъун.
3.Хэкум теухуа псалъэжьхэр ягу къегъэгъэк1ыжын.
Къэгъэсэбэпыпхъэр: тхылъ, тетрадь, магнитофон, кассетэ,
сурэтхэр, ИКТ проектор.
Урокым и планыр:
I. Зыхуэзыгъэхьэзыр дакъикъэ:
Сэлам зэхын, гъэт1ысын, урокым и темэмрэ абы щалэжьынухэмрэ
щыгъуазэ щ1ын.
Рассказым щыщ пычыгъуэ идогъэда1уэ, ар зыщыщыр къащ1э.
Брат Хьэбас и творчествэм к1эщ1у топсэлъыхь.
Рассказк1э зэджэр къыжа1э.
Доскам щыф1эдза сурэтхэм гу лъыдогъатэ, абы къыщыгъэлъэгъуар ди Къэбэрдей дахэр зэрыарар жыдогъэ1э.
Тхьэгъэзит Зубер и творчествэм к1эщ1 дыдэу щыгъуазэ дощ1, усэм дакъыхуоджэ, зэпкърыдох.
Усэм хэт художественнэ – изобразительнэ 1эмалхэр (тропхэр) къыщыдогъэгъуэт.
IV. Урокыр егъэбыдыл1эжын:
Чэзууэрэ еджак1уэ зытхух усэм къыдогъаджэ.
Усак1уэ, макъамэтх, уэрэдус яц1ыхухэм я гугъу ящ1.
V. Урокыр къызэщ1экъуэжын:
Урокым и к1уэц1к1э щыгъуазэ зыхуэхъуар, ар зытхар къыжа1э.
Хэкум теухуа усэ зытха тхак1уэ яц1ыхужхэр кърабжэк1.
Дызытепсэлъыхьа 1уэхугъуэхэм епхьэл1э хъуну псалъэжьхэркъыжа1э
VI. Оценкэ догъэув, унэ лэжьыгъэ ядот.
Урокым и ек1уэк1ык1эр:
Егъ.: Фи махуэ ф1ыуэ!
Едж.: Фи махуэ ф1ыуэ!
Егъ.: Брат Хьэбас теухуауэ сыт фщ1эр?
Едж.: Ар Къэрэшей-Шэрджэсы и Хьэбэз районым хыхьэ Малэ Зеленчук
Егъ.: Сыт а рассказыр зытеухуар?
Егъ.: Упсэу, тэмэмщ. Иджы, ц1ык1ухэ, къыжыф1эт, сыт рассказк1э зэджэр? Литературэм и сыт хуэдэ жанр зыхыхьэр ар?
Егъ.: Хъарзынэу жэуап къывот. Иджы а рассказым щыщ пычыгъуэ
гук1э зэрызэвгъэщ1ар къэтщ1энщ. Хэт гук1э къызжи1эн? Жы1эт, Беллэ.
Едж.: (рассказым и 1ыхьэ гук1э зэрагъэщ1ар къыжа1э).
Егъ.: Фыпсэу, тэмэму унэ лэжьыгъэр вгъэзэщ1ащ. Мы зи гугъу тщ1ы рассказыр Хэкум нэхъ лъап1э зэрыщымы1эм, ар хъумэн зэрыхуейм теухуащ. Хэкур бийм щыхъумэным папщ1э зи псэ щымысхьахэм яхуейт къэк1уэну щ1эблэр мамыру псэуну. А зауэшхуэ ек1уэк1ам ди лъэпкъым, адыгэхэм щыщ куэд хэтахэщ, куэдми я псэр хуитыныгъэм щ1атащ. Фэ фщ1эуэ п1эрэ ди адыгэ л1ыхъужьхэм я ц1эхэр?
Едж.: Дощ1э. Къардэн Къубатий, Къардэн Бубэ…
Егъ.: Хъарзынэщ. Мис мы сурэтхэми къыщыгъэлъэгъуащ ахэр. Дэ зэи зыщыдгъэгъупщэ хъунукъым ахэр щ1эзэуа, зыщ1эбэна 1уэхур. Сыт щыгъуи мамырыгъэм дырителъхьэу, ди щ1ыналъэм дригушхуэу, едгъэф1ак1уэу, фэ щ1эблэм Хэкум и дахагъэр евгъэф1ак1уэу щытын хуейщ. Уи лъахэр бгъэлъэп1эныр, бгъэлъэгэныр, абы уригушхуэныр щхьэпэщ. Иджыпсту зы уэрэд гуэр федэ1уэну сыхуейщи, щэхуу фыт1ысыт. (уэрэдыр къоуэ).
Егъ.: Сыт зи гугъу ищ1ыр мы уэрэдым?
Едж.: Хэкум, ар зэрыдахэм, зэрылъэщым ирогушхуэ, езыри къэфэну, гуф1эну къыхуреджэ.
Едж.: Мы уэрэдыр жызы1эри, зытхари ирогушхуэ адыгэ Хэкум. Фыщыгъуазэу п1эрэ а уэрэдыр жызы1эм, ар зытхам?Адыгэ уэрэджы1ак1уэхэм щыщу хэт сымэ фц1ыхур?Макъамэтххэри фц1ыхурэ?
Едж.: Уэрэджы1ак1уэ: Тут Заур, Пщыгъуэш Юрэ, Нэхущ Чэрим, Сэкъур Ольгэ, Кърым Иринэ, Зеуш Ауес, Мэремыкъуэ Хъусен…
Макъамэтххэр: Согуэ Данил, Думэн Мурадин, Ли Аслъэн, Мами
Аслъэн…
(Усэм дакъыхуоджэ).
Егъ.: Нет1э уэрэдк1э зэхэфхащ лъахэм, адыгэ хэкум зэрыригушхуэр.
Едж.: Усак1уэм, макъамэтхым, уэрэджы1ак1уэм.
Егъ.: Сыт усак1уэм ищ1ар, и хэкур игъэбжьыф1эн, игъэлъэп1эн папщ1э?
Едж.: Усак1уэм усэ итхащ, а и усэм къыщигъэлъэгъуащ хэкум и теплъэ дахэр.
Егъ.: Хэт къеджэн абы теухуауэ усэм хэт едзыгъуэм?
Едж.: Хилъхьащ усак1уэм а и усэм
Гъуэгу махуэлыншэм къихь насыпыр,
Щхьэмыж бэгъуахэм я 1ущащэр,
Зауэл1ым зауэм щищ1эф л1ыгъэр,
Маипэ розэм и дахагъэр,
Уафэгум ит бгъэм и уардагъыр.
Едж.: Зы махуэ дэмык1ыу гъуэгу тет жыхуи1эщ, емызэш, щхьэх зымыщ1эщ.
Едж.: Гъатхэ пасэм и дахагъэр жыхуи1эщ, гъатхэм дунейм псэщ1э
къызэрыхыхьэр арщ.
Егъ.: Сыт макъамэтхым теухуауэ жи1эр усак1уэм? Едж.: Игу илът куэд щ1ауи макъамэтхым
Щалъхуа щ1ыналъэм хуэусэн –
Лъэк1ащ гум хыхьэ макъамэф1к1э
Ар лъахэм бзэншэу хуи1уэтэн.
Егъ.: Макъамэтхыр хэт?
Едж.: Макъамэтхыр композиторщ.
Егъ.: Сыт-т1э уэрэджы1ак1уэм ищ1ар, и хэкур игъэлъэп1эн папщ1э?
Едж.: Илът уэрэджы1эм игу куэд щ1ауэ
Щалъхуа щ1ыналъэм хуэхъуэпсэн –
Лъэк1ащ гурыхь щыхъуа уэрэдыр
И лъэпкъым макък1э яхихьэн.
Щигъэзэщ1ащ ар бэм я пащхьэм
Уэрэджы1ак1уэм жьгъыру макък1э,
Хыхьати я гум, а уэрэдыр
Хъуащ ц1ык1уми инми я1урылъ.
Едж.: Макъ дахэ, ин, гуак1уэ, псоми ягу ирихь.
Егъ.: Ц1ык1ухэ, усэм ик1э сатырит1ым феплъыт:
… Щым я гурылъыр бэм иратри,
А тыгъэр хъуащ лъэпкъ псо гурылъ!
Едж.: Псо – зэу1у, зэгъусэ, куэд жи1эу аращ.
Егъ.: Художественно-изобразительнэ 1эмалхэм щыщ гуэрхэр хэту п1эрэ?
Едж.: Хэтщ. Къэгъэпсэуныгъэ:
Едж.: (егъ. дэ1эпыкъуурэ) Усак1уэми, уэрэджы1ак1уэми, макъамэтхми ягъэлъэп1ащ я хэкум и къулеягъыр, и дахагъыр, и гурылъ къабзэр. Абык1э усак1уэм къигъэлъэгъуащ а щым ещхьыркъабзэу дэтхэнэ зы ц1ыхуми щалъхуа и хэкум хуи1э лъагъуныгъэ абрагъуэр. Ар ек1уу къыщыгъэлъэгъуащ усэм и к1эух сатырит1ым. Нэрылъагъущ апхуэдэ мурадыр ц1ыхухэм я насыпым зэрыпыщ1ар.
(Усэм чэзуурэ къыдогъаджэ)
Егъ.: Хэкум теухуа усэ зытхар Зубер и закъуэ, хьэмэрэ нэгъуэщ1 тхак1уэхэми ятхауэ п1эрэ? Хэт и усэхэм фыщыгъуазэ?
Егъ.: Пэж дыдэщ. К1ыщокъуэм и усэм макъамэ щ1алъхьэжауэ щы1эщ. Иджы, ц1ык1ухэ, фэ лъахэм щхьэк1э жыф1эну фызыхуейр схуэфтх сочиненэ-миниатюрэу.
(Еджак1уэхэм к1эщ1у Хэкум хуа1э гурылъхэр ятх. Къоджэж).
Егъ.: Тэмэмщ, хуви1э лъагъуныгъэр зыхуэдэри къэтщ1ащ. Псалъэжь зыт1ущ къыжыф1эфыну п1эрэ, ди нобэрей урокым ехьэл1ауэ?
Егъ.: Фыпсэу, тэмэмщ. Иджы, ц1ык1ухэ, нобэрей урокым зи гугъу тщ1ахэр къэтпщытэжынщ. Сытым щыгъуазэ дыхуэхъуа? Щ1эуэ сыт къэфщ1а?
Егъ.: Хъарзынэу длэжьахэр къыжыф1эжащ. Урокым фызэрыхэлэжьыхьа елъытауэ оценкэ фхуэзгъэувынщ. Унэ лэжьыгъэуи фызот а усэм гъэхуауэ фэджэну, дыщыпсэу щ1ыналъэм, Хэкум ехьэл1а сурэт фщ1ыну. Аращи, ц1ык1ухэ, ди урокым иухащ. Узыншэу фыщытхэ!
Читайте также: