Сочинение ирон дан аз

Обновлено: 05.07.2024

Файлы: 1 файл

Доклад на тему Осетинские обычаи На осетинском языке.docx

Ирон адæмы царды æгъдæуттæ

Ирон адæмы царды æгъдæуттæн сæ фæд цæуы рагон æнустæй, суанг скифты æмæ аланты замантæй. Кавказы иннæ адæмты ‘хсæн цæргæйæ, ирæттæн бантыстис се’гъдæуттæ æмæ сæ дин бахъахъхъæнын, ныры дугмæ сæ æрхæццæ кæнын. Кæй зæгъын æй хъæуы, ирон туджы фидардзинадимæ уымæн ноджыдæр ахъаз фæцис, аланты байзæттæгтæ тæтæры æмæ Тимуры æрбабырстыты фæстæ хæхбæсты цалдæр æнусы дæргъы хибарæй кæй цардысты, уый. Æмæ кæд фæстæдæр сарæзтой хæстæг æмæ фидар бастдзинæдтæ сыхаг адæмтимæ, уæддæр ирæттæн сæ фылдæр абон дæр фидарæй хæцы сæ Фыдæлты Фарныл æмæ рагон æгъдæуттыл.
Цæмæндæр, ныхас ирон æгъдауыл куы рацæуы, уæд фылдæр хатт райдайынц ирон бæрæгбæттæ æмæ фынджы æгъдæуттæй. Уыдон дæр ахсджиаг куыд нæ сты. Фæлæ ноджы ахсджиагдæр æмæ вазыгджындæр та сты ирон адæймаджы царды уаг, æфсарм, йæ ахастдзинæдтæ алыварс адæмимæ, сыхбæстæ-хъæубæстæимæ, стæй бинонты æгъдау. Цæй æмæ мах дæр уыдонæй райдайæм.

Ирон æхсæнады æхæстдзинæдтæ

Куыд зонæм афтæмæй, паддзахадон закъонтæ (engl.-Laws) ирон цардмæ æрцыдысты Уæрæсейæ æрæджы, иу-дыууæ æнусы размæ. Æргом зæгъгæйæ та, æххæстæй абон дæр уыйбæрц нæ ахадынц æхсæнады царды, зæгъæм Ныгуылæн Европæйы æмæ Америчы куыд ахадынц афтæ. Æнусты дæргъы Иры дзыллæйæн æнæфæцудгæ уыдысты æндæр закъонтæ – Ирон Æгъдау, Æфсарм æмæ Фыдæлты Фарн. Æрмæстдæр уыдонмæ гæсгæ арæзтой сæ цард. Уыцы æгъдæуттæ уыдысты рæстдзинад æмæ æргомдзинады бындурыл, цардæн йæхи арæзт. Хъуыдыгонд дзы уыдысты алы адæймаджы сæрибардзинад, йæ хæстæ æмæ йæ бартæ дæр.

Алы ирон æхсæнады дæр (кæмтты, хъæуты) уыдис æхсæнадон царды ахсджиаг уынаффæтæ кæм хастой, ахæм æмбырд – Ныхас. Уыдис сæм ноджыдæр адæмон Тæрхон дæр. Æмæ кæд Ныхасмæ ас нæлгоймæгтæ иуылдæр цыдысты, уæд Тæрхон кæныны бар та уыдис тæккæ дзырдарæхст, фендджын æмæ хиуылхæцæг лæгтæн. Цæвиттон, фидарæй зæгъæн ис – раджыйы заманты Иры кæмтты æмæ хъæуты цард адæмон демократийы бындурæвæрæн миниуджытæй цух кæй нæ уыдис.

Алы адæмтæм алыгъуызон цæстæнгас ис хорз цы у æмæ æвзæр, уымæ. Хатгай уыцы дыууæ хъуыддаджы хсæн бæрæг хахх ракæнæн нæ вæййы. Ирон адæммæ рагæй дæр бæлвырд уыдис, æвзæр æмæ худинагыл нымад цы у уый. Адæймаг кæд æхсæнады уæнг у (мыггаг, сыхбæстæ, хъæубæстæ), уæд хъуамæ йæхи афтæ дара, цæмæй уыцы æхсæнадæн æмæ йæ алыварс адæмæн æнад чи у, ахæм митæ ма кæна, ома йæхи æнæгъдау ма дара. Уырдæм хауы ныхасы уаг дæр. Худинагыл нымад уыдис, ирон лæг-иу йæхи хъуыддæгтæ æмæ йæхи пайда æхсæнады хъуыддæгтæй бæрзонддæр куы æвæртта, уый. Уымæй æгаддæр та уыдис, уыцы æхсæнадæн зиан хæссæг. Ахæмтæ æнæмæнг дзуапп лæвæрттой æхсæнады раз Ныхасы, кæнæ Тæрхоны.

Хистæрæн кад кæныны æгъдау дыууæрдæм фæндаг у. Фендджын æмæ зондджын хистæр кæддæридддæр йæхæдæг дæр аргъ кодта кæстæртæн, йæхи сæ цæсты ницæмæй æфтыдта, кæстæры раз æнæуаг ми кæнæ ныхас кæнын йæ сæрмæ нæ хаста. Абоны боны уый цы хистæр не’мбары, уый йæ кад уайтагъ фесафы.

Ирон царды алы уавæрæн дæр ис йæхи æгъдау. Иу ран гæнæн цæмæн ис, уый æндæр ран арæх нымад цæуы худинагыл. Алы æгъдауæн дæр ис йæхи бынат æмæ йæхи рæстæг. Хистæрты æмæ сылгоймæгты раз нæ уыдис хъæрæй дзурæн, загъд кæнын, æвзæр дзыхæй дзурын. Фынджы уæлхъус бадгæйæ дæр афтæ. Уымæй уæлдай ма хиуылхæцгæйæ адæм сæхи дарттой кувæндæттæм хæстæг, уæлмæрдты. Цæвиттон, ирон адæмы æгъдаумæ гæсгæ, царды уыдис бирæ хъуыддæгтæ, кæцытæ кæнын не’мбæлдис, кæцыты нымадтой худинаг æмæ æгадыл. Æмæ кæд алы адæймагæн дæр йæ бар йæхи уыдис, уæддæр æй йе’гъдау æмæ йæ æхсæнадон хæс хызтой æвзар ми кæнынæй. Стæм хатт-иу искуы ахæм куы разындис, æгъдау кæмæ нæй, йæхи, йæ мыгкаджы, йæ хъæубæстæйы худинаг чи кæны, уæд-иу ыл адæм сæхи атигъ кодтой, æнæуынон-иу сси, сæрмæ-иу æй ничиуал хаста. Раздæры заманты уый мæлæтæй æвзæрдæр тæрхон уыдис. Хатгай ахæмыл хъæубæстæ кодтой Хъоды (рус. – отвержение; engl. – an outcast). Хъодыгондимæ ничи кодта нæдæр дзургæ, нæдæр ын кодта æххуыс. Уынджы цы дуртæ ис, уыдонæй уæлдай-иу æй хъуыды дæр ничиуал кодта. Гъе стæй иннæтæй Хъодыйы æгъдау чи фехæлдтаид, уый йæхæдæгдæр хъуамæ æрцыдаид хъодыгонд. Ахæм карз æмæ æгъатыр æгъдау равзæрдис нæ рагфыдæлтæм æвæццæгæн уымæн, æмæ сæм адæмы фарн, адæмы цæстæнгас царды кастис тæккæ сæйрагдæр. Сæ кад æмæ намыс хъахъхъæдтой цæсты гагуыйау. Фылдæр-иу хъодыйы бæсты æнцонæй равзæрстаиккой мæлæт.

Искуы-иу лæгмард æрцыдис, кæнæ исчи карз æгъдауæй бафхæрдта иннæйы, хъуыддаг æнæмæнг цыдис туг исынмæ (Engl. – blood feud, vendetta). Хъуамæ æфхæрд чи арцыдис (кæнæ кæд йæхæдæг нал ис, уæд йе’фсымæртæ, æрвадæлтæ), уый йæ туг райстаид æфхæрæгæй, кæнæ йæ мыггаджы нæлгоймæгтæй. Æрмæстдæр уæд уыдис нымад, лæг йæ маст æххæстæй кæй райста. Кæд искæмæн йæ маст райсын йæ бон нæ бауыдаид, уæд кодта худинаг æмæ æгад. Иу лæгмард цыдис иннæмæ: алчидæр йæ хæсыл нымадта йæ туг райсын. Афтæмæй-иу хатгай тудджынтæ æгъатырæй кæрæдзийы цагътой бирæ æзты дæргъы. Уыимæ, хохаг адæм сæ маст никуы истой зæронд лæгтæй, сылгоймæгтæй æмæ сывæллæттæй. Уый уыдаид тынг æгад ми, æмæ йæ лæг йæхи чи хоны, уый йæ сæрмæ никуы хаста. Цыфæнды хъаугъа дæр искуы æрцæуы фидыдмæ. Тудджынты бафидауын кæнæнæн-иу комы, хъæубæсты дзырдзæугæдæр лæгты бахъуыдис стыр арæхстдзинад равдисын, дыууæ мыггаджы фарны бацæугæйæ. Ныры дуджы тугисыны æгъдау кæмæдæр зыны хъæддаг мийау. Фæлæ уæды рæстæг паддзахадон закъонтæ нæ уыдис, æмæ ацы æгъатыр æгъдау ирон æхсæнадон царды мидæг ахста йæхи бынат, стыр ахъаз уыдис быхсынæн, хиул хæцынæн.

Къамы - ныв ирон кафтæй "Лæгæй лæгмæ хæст"

Цымыдисаг æмæ вазыгджын у уайсадыны æгъдау. Чындз йæ цæрыны хæдзармæ куы бацæуы, уæд бинонты хистæртæм уайсадгæ фæкæны, ома сæ разы дзургæ нæ фæкæны. Уыцы æгъдау чындзæн ахъаз кодта йæхи куыд æмбæлы афтæ дарынæн: уæзданæй æмæ баронæй. Уыимæ, бинонтæ сæхæдæг дæр уайсадæг чындзы æфсармæй йæ разы нæ кодтой уæлдай ми кæнæ цы неۥмбæлы, ахæм ныхас. Ацы æгъдау ирон адæммæ ныртæккæ дæр ис. Фæлæ ныры хистæртæ чындзы дæргъвæтин рæстæг уайсадын нæ бауадзынц. Кусарт акæнынц, сæ сыхбæстæ æрхонынц, æмæ чындзмæ нуазæн авæргæйæ йæ сæхимæ сдзурын кæнынц.

Чызджыты та хъомыл кодтой уæздан æмæ хиулхæцæгæй, сылгоймаджы миниуджытæй æххæстæй. Къæйных ныхасгæнæг, æнæуæздан, лæгой арæзт чызг адæмы астæу уыдис худинаг. Ахæм хæдзармæ хорз усгур нæ цыдис. Уæдæ стыр æгаддзинадыл нымад уыдаид чызг лæппуты ۥрдæм æгæр куы кастис, уæд. Лæппу æмæ чызг кæрæдзийы зæрдæмæ куы цыдысты, уæддæр-иу фембæлдтæм не ‘згъордтой. Кæд-иу æнæнхъæлæджы кæрæдзийыл фембæлдысты æмæ дыууæ ныхасы загътой, уæд хорз. Исчи чызгмæ йæ æнгуылдзæй дæр бандзæвыдис – додой кодтаид йæ сæр. Уымæн æмæ ахæм цау æгас мыггагæн дæр æгаддзинад хаста. Лæппутæ æмæ чызджытæ æдæрсгæ æмбæлдысты кæрæдзиуыл æрмæстдæр иунæг бæнаты – хъазты мидæг. Куывдты æмæ чындзæхсæвты лæппутæ ерысæй æвдыстой сæ арæхстдзинад, сеۥгъдау. Æмæ-иу кæд зæрдæмæ чи цæуы, уыцы чызгимæ къухы бафтыдис акафын – уæд хæрдмæ дæ худ æппар. Уымæй уæлдай, симды (симд – ирон адæмон кафт) уыдис гæнæн чызджы цонгыл хæцгæйæ кафæн.

Ныры цард бирæ ивддзинæдтæ бахаста кæстæрты ахæстдзинæдтæм. Раздæр уæвæн кæмæн нæ уыдис, ахæм хъуыддæгтæ ныр æрвылбойнаг систы. Аивтой чызджытæ æмæ лæппутæ, кæд ма дзы бирæтæм фыдæлты фарнæй дзæвгар ис, уæддæр. Фæлæ ма абон дæр лæппутæн сæ фылдæр, бинонты хъуыддаг бакæныны афон куы æрцæуы, уæд фæкæсынц рог æмæ къæйных чызджытæм нæ, фæлæ нæ фыдæлтæ бирæ азты дæргъы аргъ цæмæн кодтой, уыцы миниуджытæ кæмæ ис, удонмæ.

Бирæ рæсугъд æгъдæуттæ уыдис æмæ ис ирон адæммæ. Сеۥппæтыл ацы ран аххæссын нæ бон нæ бауыдзæнис. Æгæр уæрæх æмæ вазыгджын сты. Фæлæ уæддæр архайдзыстæм ацы æрмæг фæбæстондæр кæныныл. Æрвитут нæм уæ хъуыдытæ æмæ фиппаинæгтæ.

Ахуырдзаутæм гуырын кæнын уарзондзинады, сæрыстырдзинады æнкъарæнтæ

Ирыстоны номдзыд лæгтæм.

Автор: Токаева Жанна Викторовна

2.Ахуыр к æ нын иртас æ н куыст к æ ныныл.

3.Ахуырдзаут æ м гуырын к æ нын уарзондзинады , с æ рыстырдзинады æ нкъар æ нт æ Ирыстоны номдзыд л æ гт æ м.

Ф æ йн æ гыл фыст :

« Æ лгъыст ф æ у æ д, л æ г марын æ н фыццаг ,

Урочы ф æ лгонц: ахуырг æ н æ н чингуыт æ , презентаци х æ сты тем æ йыл, музык æ , къамт æ .

Ахуырг æ н æ джы ныхас .

Асаты Р. æ мдз æ вг æ :

« З æ ххыл н æ ц æ рыс иу хатт æ й фылд æ р, -

Цыбыр у цард , - цыма у фын .

Æ м æ й æ ах æ м кадим æ ф æ ц æ р ,

Компьютер æ й æ вдыст ц æ уы презентаци х æ сты тем æ йыл.

- Х æ ст … Х æ рз цыбыр , ф æ л æ у æ ззау дзырд . З æ рд æ ныкк æ рзы, у æ нгт æ баризынц , с æ рыхъуын арц сбады æ рм æ ст й æ кой æ д æ р.

К æ й з æ гъын æ й хъ æ уы, ирон ад æ м д æ р, инн æ ад æ мтау, с æ тых , с æ хъару сар æ зтой знаджы ныхм æ .

Ах æ м тохм æ сид æ г ных æ стим æ цыдысты ирон ад æ м тохы быдырм æ .

1-аг скъоладзауы хъусынг æ нинагм æ байхъусын .

2-аг скъоладзау бацæ тт æ кодта æмæ радзырдта фыццаг тæхæг Даураты И. тыххæй.

Ахуырг æ н æ г. Цал милуан мад æ лты з æ рд æ т æ рыстысты !

Цал милуан мад æ лты з æ рд æ т æ тыхстысты !

Цал милуан мад æ лт æ калдтой с æ ц æ ссыг!

Дзуырдуатон куыст : ( уад , æ ртхут æ г, азым , зым , уарт , ц æ нкуыл, бындзыг ).

Бындзыджы ф æ лгонц равзарын , цы йыл æ рцыди.

Куыд хъомыл кодта Будзи х æ сты разм æ ?

Куыд аскуыдта х æ ст æ рыгон л æ ппуйы б æ ллицт æ ?

Æ рдзурын З æ лин æ йы хъысм æ ты тыхх æ й.

Рыстз æ рд æ ныййар æ джы ф æ лгонцыл æ рныхас к æ нын.

Цы сты поэм æ йы тем æ æ м æ идей æ ?

Урочы к æ рон скъоладзауты æ ргом ног æ й азд æ хын урочы тем æ м æ , с æ хатдз æ гт æ д æ р сб æ ттын уыим æ .

- Ц æ уыл ныхас кодтам ацы урочы ?

(Н æ урочы ныхас кодтам хъ æ бытыр хист æ рты æ г æ рон æ хсарыл, тыхджын патриотизмыл , ад æ ймаджы кад æ м æ намысыл , ныййар æ джы трагедион хъысм æ тыл Фыдыб æ ст æ йы Стыр х æ сты р æ ст æ г).

Мах цæрæм XXI æнусы. Нырыккон дуне афтæ тагъд ивы, æмæ йæ хатгай адæймагæн йæ бон аййафын нæ вæййы. Фæлæ нын рохгæнæн нæй, чи уыдысты нæ рагфыдæлтæ, цы хорздзинæдтæ ныууагътой сæ байзæддæгтæн, уый. Уыимæ хъуамæ æмбарæм, мах абоны истори кæй аразæм, уый. Райсом махæй кæйдæрты тыххæй чингуыты кæсдзысты ног фæлтæртæ, æмæ махæй кæнгæ у, уыцы чингуытæ кадджытæ уыдзысты æви хуымæтæг статистикæ, уый.

Ирон адæмæн ис рагон истории. Нæ фыдæлтæн – скифтæн æмæ алантæн – сæ ном арвнæрæгау хъуыст Азийы æмæ Европæйы быдырты. Сæ хæстон балцытæй æмризæджы рызтысты паддзахтæ æмæ императортæ, уымæ гæсгæ семæ кодтой цæдис æмæ хæстæгдзинад, агуырдтой сæ æххуыс æмæ харзæх.

Æмæ канд хæстон сгуыхтытæй нæ уыдысты номдзыд нæ фыдæлтæ, уымæн æмæ уыдон æнтысджынæй кодтой фос æмæ зæххы куыст. Арæзтой куырдадзтæ æмæ гæнæхтæ, сахартæ æмæ аргъуантæ. Се ῾хсар куыд фидар уыд, афтæ тыхджын уыд сæ зонд, сæ курдиат дæр.

Ирон мæсгуытæ сæ кондæй дисы æфтауынц дунейы дзыллæты. Нæ рагфыдæлтæ дæсны уыдысты егъау мæсгуытæ, фидæрттæ æмæ цæрæн хæдзæрттæ аразынмæ. Уыдон архайдтой æрдзы æмæ хæстон царды фадæттæм гæсгæ. Хохаг хæдзæрттæ уыдысты тъæпæнсæр, кæрæдзиуыл ныхæст, æмæ-иу хъæу уыдис хæстон фидары хуызæн. Нæ рагфыдæлты мæсгуытæ уыдысты цыппæрдигъон, сæ цъуппытæ та арæхдæр – тъæпæн, цæмæй сæ дымгæ ма фехæлдтаид. Сæ дуæрттæ уыдысты бæрзонд, æмæ сæм æнæ асинæй схизæн нæ уыдис. Мæсгуыты бын уыдис рацæуæнтæ адæмæн, фосæн. Хæхбæсты ма арæзтой кувæндæттæ æмæ зæппæдзтæ дæр. Хохаг архитектурæйы бирæ цыртдзæвæнтæ,

махмæ æрхæццæ сты незамантæй. Зæгъæм:

Хохы Дыгурмæ тæккæ бацæуæн кулдуар хуыйны Æхсинтæ. Ацы ран Æрæфы дон дыууæ дихи фæкодта айнæг къæдзæх. Уæлдæр куыд загътам, афтæмæй Æхсинтæ Дыгургоммæ кулдуары хуызæн сты. Бирæ æнусты дæргъы ауылты знæгтæн зын æрбацæуæн уыди. Мидхæсты рæстæджы дзы уыдис стыр тохтæ æрыгон Советон республикæйы знæгтимæ.

Дарддæр куы ῾ркæсæм Мидæгрæбыны æхсæрдзæнтæ… Цæгат Ирыстоны æрдзы диссæгтæй иууыл банымайæн ис Мидæгрæбыны æхсæрдзæнтæ. Уыдон сты Джызæлдоны райдайæны Мидæгрæбыныдоны рахиз фарс. Уыдон афтæ бæрзондæй кæлынц,æмæ адæймаг афтæ фенхъæлы, цыма арвæй æмуырдыг хауынц. Кæй зæгъын æй хъæуы, уæлдай рæссугъддæр вæййынц сæрдыгон, доны æртæхыл арвæрдын куы сæрттивы, уæд.

Ирыстоны тынг бирæ рæссугъд дзæнæтон бынæттæ ис, иуыл цæ адæймаг нæ ранымайдзæн…

Мæ нывæцæны кæронбæттæны мæ , фæнды зæгъын; дæ Райгуырæн бæстæйы, дæ адæмы ивгъуыд заманты истории куы нæ зонай, уæд зын цæрæн у. Ныртæккæ мах цы дуджы цæрæм, уый равзæрд тынг раджы, стæй бирæ фæлтæрты фæллой æмæ зондæй. Уыцы æнæкæрон бирæ хъæздыгдзинæдтæй та пайда кæны алы адæймаг дæр, дунемæ куы фæзыны, уæдæй йæ амæлæтмæ…

Русско-осетинский и осетино-русский словарь исторических и политических терминов (Для средней школы). 1950 г.
————————
Авторы-составители — Абаев С., Хутинаев Д. (сост.)

Битарова З.А. Лексика родства и родственных отношений в осетинском языке. (Автореферат диссертации на соискание ученой степени кандидата филологических наук). 1974 г.
———————————
Слова, обозначающие семейно-родственные отношения, составляют древнейший фонд лексики осетинского языка. Изучение их необходимо как исследователю истории языка, так и исследователю истории народа.
Капитальные труды крупнейших осетиноведов (А. Шегрена, В. Миллера, В. И. Абаева, Г. С. Ахвледиани, Э. Бенвениста) являются ценнейшими в области изучения не только грамматического строя осетинского языка — фонетики, морфологии и синтаксиса, но и его лексики.
Имеющиеся лексикографические труды по осетинскому языку, несомненно, являются значительным вкладом в деле собирания лексического материала осетинского языка.
Однако всестороннее изучение лексики осетинского языка и, в частности, отраслевой лексики все еще нельзя считать завершенным. Задача предлагаемой работы — возможно полнее охватить весь комплекс терминов родства и родственных отношений в осетинском языке.
В диссертации исследовано около 600 слов и словосочетаний. Описание каждого основного термина составляет отдельную статью, разработанную по следующей схеме: перечисление имеющихся в осетинском языке фонетических вариантов данного термина с обозначением диалектов и говоров; указание всех значений слова с примерами его употребления в литературном языке, фольклоре диалектной речи; приведение производных от данного термина слов и их значений; и, наконец, перечисление имеющихся в литературном языке, диалектах и говорах синонимов данного термина.
Последовательность Описания ведется от старших родственников к младшим.
Исходным вариантом каждого термина, подвергаемого описанию и анализу, мы условно взяли для обоих диалектов и всех говоров осетинского языка его литературную орфоэпическую форму.

Дзуццаты Хадзы-Мурат. Дыууæ дуджы астæу: Æмдзæвгæтæ. 2000
——————————
Чиныгмæ цы æмдзæвгæтæ хаст æрцыдис, уыдон фыст уыдысты Ирыстоны зынæвзарæн дуджы — гуырдзы æмæ иры ’хсæн хæсты азты.

Хуссар Ирыстоны фысджыты литературон сфæлдысталы библиографион æмбырдгонд: 1940–1967 азтæ.
Чиныгаразæг — Гæбæраты Никъала. 1968 аз
——————————
Ирон советон литературæйæн ис йæхи сæрмагонд истори, йæхи традицитæ. Уыцы традицитыл рæзы нæ фысджыты реалистон сфæлдыстад.
Ирон адæм буц сты сæ гениалон поэт Хетæгкаты Къостайæ, сæ зынгæ фысджытæ Гæдиаты Секъа, Цомахъ, Коцойты Арсен, Брытъиаты Елбыздыхъо, Нигер æмæ æндæртæй. Уыцы фысджыты сфæлдыстадон бынтæ зынгæ бынат ахсынц ирон литературæйы рæзты историйы.
Советон Цæдисы Коммунистон партийы историон уынаффæтæй фæстиуджытæ аразгæйæ, нæ фысджытæ сæ разы æрывæрдтой ахсджиаг æмæ бæрнон хæстæ. Советон ирон фысджытæ сæ уацмысты æвдисынц сæ адæмы хъæбатыр тох, сабырадон куыст æмæ сæ адæмы рæсугъд удыхъæд.
Ацы чысыл чиныджы хæс ис уый мидæг, цæмæй æвдыст æрцæуа Хуссар Ирыстоны фысджыты 1940–1967 азты сфæлдыстадон библиографи.
Библиографийы æрмæг равæрд æрцыдис хронологон фæткыл, фысджытæ — алфавитон принципмæ гæсгæ.
Чиныг арæзт у ахæм хæйттæй:
1. Поэзи (æмдзæвгæты хицæн чингуытæ æмæ æмбырдгæндтæ).
2. Прозæ (прозаикон уацмысты хицæн чингуытæ æмæ æмбырдгæндтæ).
3. Драмæтæ (драматикон уацмысты хицæн чингуытæ æмæ æмбырдгæндтæ).
4. Монографитæ.
5. Тæлмац литературæ (æфсымæрон нациты литературæйæ ирон æвзагмæ ратæлмацгонд чингуытæ).
6. Литературæ сывæллæттæн (сывæллæттæн фыст чингуытæ).
7. Рецензитæ (чиныгмæ хаст цы литературæ æрцыдис, уыдоныл газеттæ æмæ журналты ныммыхуыргонд уацтæ).
Нæ библиографон æмбырдгонды хæс у, ирон литературæйыл чи кусы, уыдонæн баххуыс кæнын, стæй нæ областы хъæууон библиотекæтæн сæ чингуыты фондтæ ирон нывæфтыдон литературæйæ лæмбынæгдæр баххæст кæнын æмæ уыдоны цæрджыты ’хсæн хуыздæр парахат кæнын.
Кæд æмæ библиографон æмбырдгонды уæвæг литературæ бынæттон библиотекæты нæ разына, уæд гæнæн ис, уыцы литературæ рафыссат Н.К. Крупскаяйы номыл Хуссар Ирыстоны облæстон библиотекæ, кæнæ та К. Марксы номыл Гуырдзыстоны ССР Республикон библиотекæйæ.
(Автор)

Читайте также: