Ана тилим сочинение на кумыкском языке
Обновлено: 04.07.2024
Асевов Арсланмурза. Торкъали. Къумукъ тилим, ана тилим, тамурум, Оьктемлигим, адамлыгъым, абурум. Юрек толуп, айтма сюйген сёзлерим, Айтып болмай, тас этемен сабурум. Ят миллетни тиллерин билегенлер, Къумукъларда кёп бардыр, — инанаман, Ана тилин оьр гётерип юрюйген Адамлагъа гюн сайын сукъланаман. Ана тилде ананг бешигинг чайкъай, Ана тилде гёресен татли тюшлер, Ана тилде балаларын къучакълай, Ана тилде лап да уллу сююнчлер! Яшавубуз тюрлю тиллерден толгъан… Къумукъ халкъым, бугюн бизге не болгъан? Яшавунда ана тилин унутгъан Оьз халкъындан артда къалып табулгъан!
Об Эндирее "Дагестанцы, населявшие сию деревню, почитали за своего начальника Шамхала; они признавались за храбрейших из всех Дагестанцев" Источник: Голиков И. Деяния Петра Великого. Том 9. Стр. 158
Чопан Магомедов - уроженец п. Тарки, потомок славного рода шамхалов Тарковских, носит имя великого Чопан шамхала, который согласно историческим документам, " . владел всем краем границ от Шемахи до Черкасов". Фото сделано на фоне боевого знамени выдающегося полководца и государственного деятеля, шейха Султан-Мута Тарковского. Патриотическое воспитание подрастающего поколения на примере народных героев, являющихся образцом для подражания - это гарантия и залог возрождения былой славы народа, ду
Проект “Кумыкский Мир” — информационный ресурс, посвященный истории и культуре кумыкского народа и его предков.
Абдулазим Магомедов - талантливый поэт, автор 9 поэтических сборников на кумыкском языке. На стихи, написанные автором, поют песни многие популярные а республике певцы. Он пишет, не только лирические стихи, но и произведения патриотической направленности, посвящённые выдающимся деятелям в истории народа, известным религиозным деятелям. Его перу принадлежат стихи о великом полководце Султан-Муте, Ташаве- Хаджи Эндирейском, наибе Шамиля - Идрисе эфенди Великолепном, Башир- шейхе аль- Яхсави, посвя
Карабудахкентцы и их правители, будучи искусными воинами, в конце XVI и на протяжении XVII вв. всегда активно участвовали во всех военных мероприятиях шаухалов: в походах Чопан-шаухала Тарковского, в отпоре завоевателям всех мастей, зарившимся на кумыкские земли. Активное участие принимали они под командованием Адиль-Герейхана Тарковского в сражении с русскими стрельцами под Бойнаками в 1594 году, в победной Караманской битве 1605 года, Герменчикской - в 1651 году. Ожесточенное сопротивление,
Рустам Хабилов был приглашён в верхнюю палату Национального собрания Бахрейна, главного законодательного органа страны Маджлис аль-Шура. Председатель Совета Али ибн Салех Аль-Салех лично встретил и рассказал о структуре и системе голосования, а также об их участии в развитии спорта и туризма. Рустам же в свою очередь рассказал про принцип работы Народного собрания нашей республики и поделился спортивными достижениями наших земляков по всему миру, о развитии в области туризма. Также было отмечен
Чтобы отметить человека, наведите на него курсор и нажмите левую кнопку мыши. Чтобы отметиться на фото, наведите на себя курсор и нажмите левую кнопку мыши.
Ана тилибизни жавгьар сезлери,айтывлары,аталар сезлери,сарынлар,такъмакълар,йыллар,хабарлар,емакълар яшланы янында кеп такрарлана турса,гележек наслуну эсинде де къалыр. "Ана тилин сюймейген,ана элин сюе десе инанман" деген айтывну яшланы юреклерине сингдирме герек деп ойлашаман.
Написала ученица 6 класса: Гайдарбекова Патимат Османовна.
Къумукъ деген нечев русгъа айланып,
Барагъангъа ичим янып гюемен.
Минг йыллар алдан берли топланып гелген сютдей акъ,балдай татли,анадай аявлу тилибизни бугюн тас этсек гележегибиз нечик болур? Тилни аздыргъанлардан болмайыкъ. Ону бай этмеге гьарибиз оьз гючюбюз булан чалышайыкъ! Ана тилибиз бизин Аллагь берген байлыгъыбыз.Гьар къумукъ оьз элине тас этилген эки сёзню къайтарса азып барагъан тилибиз нечик айынар эди? «Ана тилибизни жанландырмакъ учун не йимик чаралар герсек яхшы?-деген ой янгыз муаллимлени тюгюл, къайсы къумукъну да ойлашдырмагъа тюше.Яшлагъа гиччи заманындан башлап болгъан чакъы къумукъча сейлемеге таркъ. Аналар яшларын юхлатагъанда къумукъ тилде гьайлек йырлар йырласа да ,къакъакълар айтса да, яшлагъа ана тилин уьйренмеге кемек болур эди деп ойлашаман. Яшлар къумукъча сейлегенде,агьамият берип тынглап, эринмей,артгъа къоймай,еринде хаталарын тюзлемеге тарыкъ.
Ана тилимни гележегине мени къаравум.
Ана болмакъ азлыкъ эте анагъа,
Ана тилин сингдирмесе яшына.
Шо хатасы таякъ болуп,таш болуп.
Тиймесе сонг яхшы эди башына!
Деген дертлюгюн эсгерме сюемен. Оьзюбюз гёрюп турагъан йимик,кёбюсю шагьар ва юрт агьлюлерде ата-аналар чы нечик де,оланы авлетлери де бири-бири булан орус тилде тюгюл сёйлемейлер. Бир-бир адамлар чы ана тил бизге уьйден,орамдан къыргъа абат басгъандокъ да герекли тюгюл деп,сан да этмейли сёйлейлер.
Бугюнлерде оьсюп,торайып гелеген яш уланлагъа,къызлагъа ана тилибизни сют татывун тамдырып да ,сингдирип де болагъан башлап ата-аналар ,эсли наслулар аявлап,жыйып сакълап бизге тапшургъан сыйлы тил савгъатны тас этип къоймакъдан уллу гюнагь болмас. Ол бизин ругь байлыгъыбыз деп айтмагъа да ярай. Кимлер не айта турса да, биз,къумукълар, оьз ана тилибизни сакъламагъа герекбиз.
Охувчу: Ана тилни гьакъында ойлашгъанда, ону гележегин гёз алгъа гелтирип къарагъанда, оюбузгъа кёп тюрлю пикрулар гелмей къалмай. Гертилей де, шунча гёзел, балдан татли къумукъ тилибиз унутулуп къалса, нечик болур? Бизден не адамлар болур? Ана тилине жаны аврумайгъан, ону гележеги талчыкъдырмайгъан адам, мен ойлашагъан кюйде, негьакъ ер таптагъан адам.
Оьзюгюз бир ойлашып къарагъыз чы, аз- маз жыжыгъы бар гиши анна тилин нечик сюймей бола! Ана тилин сюймейген гиши, анасын- атасын сююп билерми? Анасына- атасына абур- сый этмейген, оланы хадирин билмейге гиши чыкъгъан ерине, тувгъан ожагъына, авул- хоншусуна ва юрт агьлюлерине гьюрмет этежекми? Этмес, озокъда, анна Ватангъа бакъгъан сююв, мен ойлашагъан кюйде, ата юртгъа, анна якъгъа, анна тилге бакъгъан сюювден башлана.
Охувчу: Халкъыьызгъа, элибизге
Юрек салып, шону бил:
Адам болмакъ учун бизге
Тарыкъ азаз анна тил.
Охувчу: Ана тилинг ярлы деп,
Гьабас яла ябасан,
Тилинг билме эринип,
Бир охуп чыкъ Къазакъны,
Билерсен къумукъ тилни
Нечик байлыгъы барны!
Охувчу: Бырынгъы заманлардан берли Дагъыстанда къумукъ тилни уьйренивге бек агьамият берилле гелген. Дагъыстанны халкълары аварлар, даргилер,татлар ва олай башгъалары бизин тилни бек къаст къылып уьйренгенлер, олар бир- бири булан да къумукъча сёйлей болгъанлар.
Охувчу: Ана тилим, азиз халкъым унутмас,
Къуружакъман талайсыз шо терекдей.
Къумукъланы юрегинде ер тутсам,
Ондан артыкъ магъа бир зат герекмей.
Имам Шамил де къумукъча тап- таза сёйлей болгъан ва ону руслар булангъы сёйлешивлери де къумукъ тилде юрюлген.
Охувчу: Кюйленген бир гюл авузлу тил берген,
Кёп сюймей аз сюейими анамны.
Анам берген айбат тилим болмаса,
Бал татырмы барлыкъ оту таламны.
Охувчу: Темиркъазыкъ Кавказда, Дагъыстанда къумукъ тил халкъара тилине айлангъанлыкъгъа гёре, Россияны тыш политикасына байлавлу пача 1 Николайны 1829- нчу йылда чыкъгъан указы булан Темиркъазыкъ Кавказны бары да ( Гиоргиевск, Моздок, Къызлар…) училищелеринде къумукъ тилден дарслар юрюлме башлай. Сонг да, къумукъ тилден Петербургну, Москваны университетлеринде, Новочеркаск, Ставрополь, Астрахань гимназияларда, Краснодар, Владикавказдагъы, Омскидеги кадет корпусларда кёп йылланы узагъында дарслар юрюлюп тургъан.
Охувчу: Сёз хазна- халкъымны байлыгъы,
Харжлама тынч ону жыймакъдан
Авуздан чыкъгъан сёз аз болсун,
Алтындай тёгюлген оймакъдан.
Айтгъанлай, къумукъ халкъ тюрк халкъланы арасында кёп санавлу халкъ тюгюл. Къумукъланы санаву гьали 300 мингден артыкъ. Москвада яшайгъан белгили алим Мурат Аджиев токъташдырагъангъа гёре, алдынгъы заманларда къумукъланы санаву миллионлар болгъан. Тюрк тилде сёйлейгенлени санаву эки юз миллионгъа тармашгъан. Гертилей де, тюрк дюньясы уллу дюнья. Шо саялы да къумукъ халкъ аз халкъ деп айтмакъ ТЮЗ болмас.
Охувчу: Ана сёзсюз къалса адамлар бирден,
Тилкъав болуп дюнья, гюню батыла.
Бир балагь арекде, адамлар, бизден,
Балабызны анна тили бар буса.
Башлап сени эшитгенмен анамдан.
Ана тилин анасындай сюймейген
Ана эллин сюе десе, ининман.
Ана тилинг арив тил,
Ана тилинг яхшы тил,
Яхшы яш болма сюйсенг,
Ана тилинг яхшы бил!
Ана тилде макътар мени, макътаса.
Магъа геллер балагьланы алдында
Ана тилим токътар, бир зат токътаса.
Ана тилим булан амал этермен.
Анам берген анна тилим сав чакъы,
Адашып, мен акъ байракъны гётермен!
Охувчу: 1. Ана тилим берген билим
Салгъан мени ТЮЗ ёлгъа,
Ана тили булан аннам
Кёп алгъан мени къолгъа.
2. Ана тилде лайлай айтгъан,
Чайкъап мени бешигим.
Ана тилим, сени булан
Болду мени оьсювюм. ( П. Абукова).
Охувчу: 1 . Ана тилим къалав айтып,
Аякъларым датий этген.
Атам- аннам папай, къакъай
Деме мени уьйретген.
2. Ана тилим сен айтмагъан, Уьйретмеген не къалды.
Юрегиме ягь салды. ( П. Абукова).
Сценка: ( бир гиччи гёрюнюш).
Пайзулла, Рашид, Амир- бир- бирине ёлугъа.
- Асаламу алайкум, Абулай.
- Салам, салам
- Абулай, къайдан гелесен?
- Не знайля.
- Абулай, школагъа юрюймусанг?
- Не знайля.
- Буса орам оьлчейсен, дюрмю?
- Не знайля.
- ( Абулайгъа бурулуп) Адамдан адам болурму,
Унутса анна тилин,
Зая тюгюлмю, гьейлер,
Огъар берилген билим?
3.( Абулайгъа багъып).
Къумукъ тилни унутгъан,
Рус тилни де билмей ол,
Не тилде сёйлей экен
Берегенлер огъар къол?
Къол да ким берсин огъар,
Тил билмейген гьайгевлер,
Анасы тюп- ТЮЗ этер,
Гирме къоймаса уьйге.
3.( Абулайгъа багъып).
Ана тилин билмесми,
Ана сют ичген гиши,
Тилни билген кююнде.
Болур ону гьар иши.
Абулайны кёп яхшы,
Абулай йимик яшлар
Бизде де бола къаршы.
5.Бизин ата- бабалар,
Ана тилин билгенлер,
Шат оьмюрлер сюргенлер.
Ана тилин билгенлер,
Огъар абур этгенлер,
Ана тилин де билип
6. Къумукъ тилде сёйлеген,
Бизин ата- бабалар,
Ана тилин билмесе,
Налат алар балалар.
Тил билмейгенге къарап
Битип тура сабурум,
Ана тилинг сюймесенг
Болмас сени абурунг.
7. Гьей, юртум! Гьей, оьзеним!
Мени гёзюм! Гёзелим!
Бары оьзге тиллерден
Асил мени оьз тилим!
Алтын ачгъыч анна тил,
Адам болмагъа сюйсен
Башлап анна тилни бил.
8. Ана тилни бек билме,
Биз мактапгъа гелебиз,
По теме: методические разработки, презентации и конспекты
"Алтын қақпа"(сыныптан тыс шара) Урок учителя начальных классов Нигметовой Т.С.
Внеклассное мероприятие.Урок-игра "Золотые ворота".
татарский язык.5 класс тат.группа.сочинение.Алтын коз.
5 сыйныф ,татар теле. Тема:Инша язарга әзерләнү.Алтын көз.Максат: Көзге табигатьтәге үзгәрешләр турында балаларның белемнәрен киңәйтү; укычыларны туган җирен шагыйрь күзләре белән кү.
Отбасым - алтын ұям интерактивті жоба
Ата-аналар мен мектеп арасындағы қарым-қатынас, Отбасылық байқау.
Сабақтың тақырыбы. Алтын сақа. Халық ауыз әдебиетін қайталау.
Сабақтың мақсаты.1. Білімділік. Оқушылардың ертегілер туралы түсініктерін кеңейту және естерінде сақтау. Халық әдебиетін қайталап , еске түсіру. Сабақ электрондық оқулықп.
- Для учеников 1-11 классов и дошкольников
- Бесплатные сертификаты учителям и участникам
Мени ана тилим.
Мени ана тилим магъа -сав дюнья. Тил янгыз уьстюнде ишлев учун предмет тюгюл, о халкъыны жанлы ругьу, байлыгъы , эсделиги.
Мени ана тилим къумукъ тил. Къумукъ тил мени яшавумда агьамиятлы ерни тута. Къумукъ тил мени ата-бабаларымны тили. Мени тилим тюрк тиллени бириси гьисаплана.
Къумукъ тилни бек сюемен. О мени кьаркъарама анамны сютю булан сингген. Анам магъа къумукъ тилде гьайлек йырлар йырлагъан, ёмакълар айтгъан.
Къумукъ тилде мен адамны яшавунда лап да биринчи ва аявлу АНА деген сезню айтгъанман.
Мен Къоркъмаскъала юртда яшайман ва Къоркъмаскъала орта школаны 9 нчу класында охуйман.
Школада ана тил ва адабият дарсланы къужурлу кюйде гечебиз.
Ана тил дарсларда тюрлю темалар гечебиз, сочинениелер , изложениелер язабыз, тюрлю тапшурувлар этебиз.
Адабият дарсларда буса къумукъ язывчуланы ва шаирлени яшаву ва яратывчулугъу булан таныш болабыз. Оланы асарларын гечебиз.
Белгили къумукъ шаирлер ва язывчулар Йырчы Къазакъ, Магьаммат-апенди Османов, Манай Алибеков, М.С. Ягьяев, Нугъай Батырмурзаев Абусупиян Акаев ва
Башгъаларыны асарларын кеп сююп охуйман.
Мен ойлашагъан кюйде гьар ким оьзюню ана тили булан оьктем болма тарыкъ, ана тилде тюз сейлеме тарыкъ.
Ана тил-о бизин байлыгъыбыз, бизин ругьубуз, культурабыз, тарихибиз.
Ана тилни яхшы билмек учун мен ойлашагъан кюйде кеп къумукъ тилде асарлар охума тарыкъ, ана тилде чыгъагъан газетлени , журналланы охума тарыкъ, ана тил дарслагъа юрюме тарыкъ ва лап да аслусу ана тилде сейлеме тарыкъ.
Къумукъ тил буса – лап да асил, къулагъыбызгъа лап да йымышакъ чалынагъан тил. Биз шону булан оьктем болма герекбиз.
Ана тилим дегенде, юрегиме тюшеген гьалны гьакъында сезлер булан айтма къыйын. Ана тил дегенде, оюма башлап анам геле. Ону йылы сезлери, исси къоллары, иржаягъан кюю гез алгъа геле.
Бырынгъы девюрлерден гьакъыл алып гелеген культура байлыкъны, адатланы наслудан – наслугъа юрюте гелеген халкъны ругь байлыгъы — тилдир.
Тил! Ана тил! Асил тил!
Бу сезлер анадан сонг, инсангъа дюньяда лап да тарыкъ, лап да ювукъ сезлер., Тил – алтын хазна. Тарихибиз, маданиятыбыз тил булан байлавлу, о – бизин хазнабыз.
Бырынгъы девюрлени гьалиги яшав булангъы аралыкъларын, байлавлугъун бирикдиреген, ювукъ этеген – тил. Тилин сюймейген адам абургъа лайыкълы болмай, шолай адам къалгъан оьзге миллетлени де тиллерин сюер деген ойгъа инанмайман. Тилни яхшы уьйренегенден къайры адамлыгъыбызны да таза сакъламагъа гьаракат этебиз. Ана тил дарсларда муаллимлер бизге тилни байлыгъын, чомартлыгъын юреклерибизге сингдирме имканлыкъ тувдура.
Къумукъ тил – тюрк тиллени бириси. Шогъар да бек сююнемен. Неге десе къумукъ тилни билеген адам дюньяны нече ерине барып, башгъа тюрк тиллерде сейлейген адамланы да англап бола. Бизин барыбызны да бир – биревге исиндиреген, къатнашдырагъан ортакъ тил — тюрк тил. Гьалиги заманда оьзюню тилинде сейлеме уялагъан адамлар да елугъа. Гертилей айтса, шолай адамланы англамайман. Тувмакъдан яш булан ана тилде сейлемесе, сонг геч болур деп ойлашаман. Ана тилин сюймейген, аявламайгъан адам Ватанын да сююп болмас деп эсиме геле.
"Ана тилим - къумукъ тил"
Халкъ болмаса, тил де болмай деп айтыла. Тили болмагъан халкъны оьлген халкъгъа тенг этмеге ярай. Халкъ буса, оьзюню тилин сакълап болма герек. Шо саялы да, биз ана тилибизни абурлама, ону байлыгъына байлыкъ къошма къаст этме герекбиз. Гьалиги заманда къумукъ тилде аз адам сейлей. Шогъар да юрегим ярыла. Ана тиллерде чыгъагъан газетлерибиз, журналларыбыз не болур экен деген ой бизин талчыкъдыра. Буса да бизин генгюбюзню алагъан, ругьубузгъа ругь къошагъан, къанатландырагъан шаирлерибиз, язывчуларыбыз, алимлерибиз бар туруп, тилибиз сенмежек, денмежек.
Дагъыстанда тюрлю – тюрлю миллетлер яшай. Гьар ким оьзюню тилин аявламаса, сыйлап билмесе, сююп бажармаса, дагъы ким сюер!
Биз, барыбыз да, тилибизни сыйлайыкъ, адатларыбызны унутмайыкъ, бир – бирибизни якълайыкъ; дослукъну, бирликни тамурларын – ругь байлыгъыбызны къурумагъа, денмеге къоймайыкъ! Ана тил азса, савлай халкъыбыз азар, амма ону сыйлагъан адамны абуру буса кеклеге ерли гетерилежек.
Языв ишимни Р.Гьамзатовну сатырлары булан битдирмеге сюемен:, Гьар ким биле ана тилни татывун,, Оьзге тилде язып халкъгъа табулман., Ана тилим оьле буса къаттыгюн,, Мен сонгугюн жан бермеге къабулман.
Примеры похожих учебных работ
Биз къырымтатар тилини – ана тили деймиз . Инсан дюньягъа кельгенинен, онъа ана озь сютюнен, сёзлеринен, айненилернен тувгъан тильге севги ве меракъ ашлай. Аналарымыз къолунда тек догъуп осьтюрмек дегильде, тувгъан тильде лакъырды этмеге огретмек .
Алтын адам тақырыбында
. мәдениетіміздің қайнар бұлағы Алтын адам дер едім. Қорыта айтқанда, еліміздің нақышының қатары Алтын адаммен толықты. Өйткені, Алтын адам – ел ертеңінің, тарихымыздың өзіндік ойып .
Мени гезюмден, муалимлик касбу лап да жамият учун агьамиятлы касбу, неге тюгюл инсанны къурулушунда муалим аслу ер тута, ону яратывунда къылыкъны, эдепни оьр уьлгюлерин, лап да гёрмекли къайдада оьзюн тутагъан, юрютеген болмагъа уьйрете, гележекдеги .
Читайте также: