Тараа амыдыралдын дозу сочинение

Обновлено: 28.04.2024

Тараа. Тыва чоннуң эрте-бурунгу бо үндезин чемин амгы үениң аныяк өскени арай-ла тоомчага албайн, чедир үнелевейн турарын хүн-бүрүде амыдыралдан бо-ла эскерип турар бис. Ынчангаш-ла боор, сураглыг режиссер Алексей Ооржактың бажынга бо бодал төрүттүнүп келген. Чогаадыкчы чаяанныг кижилер база элдеп боор чүве, караң көрнүр хамнар ышкаш. Чуртунуң, чонунуң келир үеде салым-чолун он-он чылдар өттүр көрүп турар. Чоокта чаа-ла аравыс­тан оскунуп алганывыс Алексей Кара-ооловичиниң күзелин эчизинге чедирип боттандырар дээш театрның чогаадыкчы коллективи дыка улуг ажылды кылган. Түңнели — “Тараа” деп шии, ооң премьеразы январь 16-да болуп эрткен.

Тываның улустуң чогаалчызы Кызыл-Эник Кудажының “Тараа” деп тоожузунга үндезилеп Кежик Коңзай бо шиини бижээн автору, ооң чугаазы:

– Кежик Константинович, “Тараа” деп шииниң канчап төрүттүнүп келгенин номчукчуга каксы таныштырып көөр силер бе?

– Шиини сценага бараалгадыр кылдыр кол идеяны берген кижи дээр болза, Алексей Кара-оолович Ооржак. Ооң ооргазы – сураглыг чогаалчы Кызыл-Эник Кудажының “Тараа” деп тоожузу. Тоожунуң кол сюжедин, бодалын алгаш, Алексей Кара-оолович-биле ажылдап эгелээн бис. Мен бодум театрның литература-драматургия талазын харыылап турар мен. Хамчык эгелей бээрге, 65 хардан өрү назылыг кижилерни Росхайгаарал чериниң улуг назылыг кижилерни камгалаар сорулгалыг тургускан дүрүмүн ёзугаар ажылче кээрин хоруп каарга, бо чүүл база шалыпкын, дүжүткүр ажылдаарынга доктарны тургускан. Телефон дамчыштыр бо маадырны бир өскээр салып аалам, ажы-төлүн база кызырып кааптаалам, сценага ынча хөй ажы-төлдү өөредип аары берге дээн янзылыг… Үш оолдан арттырып алгаш, чаа овурдан ба­за боданып көрем, тыва чон уран чүү­лүнче улуг сагыш салыр кылдыр дээрге, тоолчу кижи киирип алган мен. Оон ыңай, хөй политика албас, кол тема – тарааны салбас, күштелдирер деп башкым-биле телефон дамчыштыр дугуржуп турган бис. Бир хүн долгап келгеш, ырылардан киирип аалам, чаа жанр тараа дугайында ыр, хөйнүң ырындан киирип аалам, тараа дугайында ырылардан чогаадып көрем, чүгле ол ырылар амгы үении дег эстрадный жанр эвес, улусчу аянга чагырткан турар ужурлуг дээрге, Алексей Кара-ооловичиниң сүмезин эдерип, ону үш неделя хире чогаадып келдивис. Кол-ла идея—тараа. Тыва чон тарааны канчаар тарып, ажаап чораанын, чоннуң амыдыралында тарааның туружун, ону кайы-хире хүндүлеп чорааны дээн ышкаш айтырыгларны ажыдары. Бо-ла чүүлдерни мурнадырын кызыттым. Бир эвес, чүгле тыва чон эвес, бүгү делегей чонунуң кол чеми чүл дээр болза, ол база дөмей-ле тараа болур.

Кежиктиң чугаазының соонда, мен ба­за чашкы шаамда номчааным бо чогаал­­ды арай деп сактып кээр чордум, сарыг даштыг ном чүве ийин. Тывага хувискаал мурнунда болгаш соонда амыдыралды ядыы арат Суваңның өг-бүлезин таварыштыр бижип турар. Бурунгу тыва өгбелеривис машина-техника шуут чок, аът-шары дузазы-биле тарааны тарып-ажаап, хөй ажы-төлүн өстүр азырап чо­­раан болгай. Оларның үре-садызы бөгүн бо залда чыглып келген “Тараа” деп шиини көрүп орарывыс бо.

Шынап-ла, шиини көрүп орарга, ки­жи бажынга кандыг-даа бодал кирер. Үелерниң үскүлежии мында илейти-ле көстүп турарын кижи дораан эскерер. Бис шупту үелерниң үскүлежиин (ХХ-ХХI век­тер) чурттап эртип турар болгай бис. Ынчангаш көрүкчүге бо тема чоок, таныш болур ужурлуг. Сайзыралдыг социализм буурап дүшкеш, ам капиталистиг демократия дээр бе… (эксперттер эдиптер боор) ындыг үеде бис. “Тараада” болза феодализм биле революция. Ону Блоктуң чогаалының дузазы-биле режиссернуң кииргени тывынгыр бодал. Бир эвес Россия империязы, революция эвес болза, Тывага амыдырал, политиктиг байдал бо хүнде келген деңнел дег шапкын хөгжүвес турган ийик.

Ам шииниң тургускан режиссеру база театрның кол режиссеру албан дужаалдыг Марина Идамның чугаазы. Эгезинде кол идея Алексей Ооржактан үнген деп, демдегледи.

– 2021 чыл Тыва Күрүнениң 100 чыл оюнга бо шиини тураскааткан. Театрның чогаадыкчы коллективи Алексей Кара-оол­овичиниң бодалын изии-биле деткээн. Кежик Коңзай бижип доозуптарга, номчуп эгелеп турдувуста, Алексей Кара-оолович кадыының байдалы-биле уламчылаар аргазы чок апарган, пандемия база эгелей берген. “Марина, сен тудуп көр” дээш меңээ дагзып каарга, катап номчааштың, черле режиссёр кижи бодунуу-биле кылыр болгай дээш, Кежик-биле бичии өскерилгелер киирипкен бис. Алексей Кара-ооловичиниң чагыы болза, тараа дугайында ыр чагып турган кижи болгай дээш, ол чагыын база ут­паан бис. Ынчангаш тараа дугайында ыры деп жанр кылып алган бис. Театрның төөгүзүн көрүп көөр болзувусса, бурунгу грек хор деп чүве турган-дыр ийин. Хор – шииниң база бир кол маадыры болуп турар аан. Ол арганы шииже ажыглап көрзе дээш, тургузукчу эштеривис…тургузукчу-чурукчу Начын Шалык, Альберт Хомушку, Дуяна Монгуш, редактор Эрик Норбу сүмелешкеш, хорну тургузуп алган бис. База улуг ажыл болган. Театрның төөгүзүнде ыры-хөгжүмнүг шиилер бар-даа болза, хор ажыглаарының аргазын бир дугаар киирген бис. Сүрээдеп, коргуп турган бис, чүү-ле боор ирги дээш… Революцияны канчаар көргүзерил деп улуг айтырыг турган. Революция дээрге орус чуртунга болгандан башка, биске чүгле ужу-кыдыы келген болгай. Блоктуң “Он ийи” деп поэмазын киирип алгаш, ону мынчаар көргүссүвүссе кандыгыл дээш, Алексей Кара-ооловичиге эштеривис-биле баарывыска, “чоп болбас деп” дээш, чөшпээрешкен. Мен бо шиини чүгле тургузукчулар эвес бо бүгү театрның сагыш-сеткилиниң кезик-чамдыызын киирген каттышкан ажылы деп санаар мен.

Ийе, кол режиссёрнуң чугаазынга каттышпас арга чок. Сагыш-сеткилди караңгыладып келир ядыы, бөдүүн арат өг-бүлениң човулаңныг амыдыралын, бай, шыдалдыг кижилер шыдал-быра чок кижини канчаар нүгүл-хоптуң дузазы-биле чок кылып болурун көрүкчү хөлзээшкин чок көрүп шыдавас. Үелерниң үскүлежии каржы, бай биле ядыы кижилерниң аразында харылзаа база каржы дээрзин бистиң артистеривис бо шиини таварыштыр көргүзүп шыдапкан. Кижилерниң мелегейи-биле чер кырынга дайын-чаа, революция чүү-даа болурга ядыы, бай-даа кижиниң кол сорулгазы – кызыл хырны, тараа-дыр деп шынны бо шииден көрүп алыр бис.

Хамчык-ла дээш бажыңнарга бузуй берген орар болзувусса, база шын эвес. Чүгле кызыл хырын чемненир эвес, угаан-медерел, сагыш-сеткил база аштай бээр. Чаа шиилерни эрттирбейн көрүп туруңар, ажыктыг-даа, солун-даа.

Тывалар хлеб быжырып чивес, ооң орнунга соктаан-тараа, соктап далган чиир чораан.

Тывалар кайы шагдан тура боттарының көшкүн амыдыралынга таарышкан чем кылып чиир паш-савалыг, согааш-балалыг, деспи-тавактыг чорааннар. Ол эт херекселиниң дузазы-биле боттарынга таарышкан амдан-чимденниң чемин кылып чип чораан. Ооң аразындан согажалаан баарны, шөйген быштакты, шиштээн эъттиг, өремелиг тарааны сактып келирге, чараа суу чайгаар-ла төктүп келир.

Соктаан чиңге-тарааны кылыры элээн нарын. Баштай тарааны пашка ургаш, оон кырынче сугну тарааны кырынга үнгүжеге чедир куткаш, ол куткан суу соолгужеге дээр хайындырар. Ындыг кылдыныын “тараа соолдурары” дээр. Оон дараазында кыскыжеге чедир изиткеш пашка соолдуруп алгаш тараазын бичиилеп кадыр, быжыр хоорар. Ол ийиги кылыын тараа хорары дээр. Хоорган тарааны уурга (согашка) ургаш хавы (даштыкы кылын кежи) арылгыже чедир бала-биле соктаар. Ол аразында ийи-уш-даа катап хавыын (дүгүн) арыдыр деспи-биле челбиир, ол үшкү кылыгны “тараа челбиири” дээр. Сөөлүнде улуг хавындан адыра соктаан тарааны агартыр, арыдыр соктааш(шаннааш) тарааны хевээнден аңгылай элгеп алыр. Ол дөрткү кылыгны “тараа элгээри” дээр. Тарааның хевээн база чем кылып чиир. Ылаңгыя күскү көк-хевек чиңге-тарааның хевээ дендии амданныг, чыды безин чаагай болур. Ынчангаш соктаан чиңге тараадан тывалар янзы-бүрү чемни кылып чип чорааннар.

Чиңге тараага бодаарга арбайдан, кызыл-тастан далганны соктап алыры белен. Баштай чиг арбайны азы чиңге тарааны изиг пашка быжыр хооруп алыр. Дараазында уурга ургаш база-ла балала-биле кежин арыдыр шаннааш (соктааш), дүгүн челбип кааптар. Сөөлүнде улуг картындан адыра соктап, челбип алган тараазын далганнай соктаар (шаннаар) азы хол дээрбези-биле далганнай тыртып алыр. Быжырган хлеб орнунга тываларның кылып чип чораан далганын, тараазын ынчаар кылып алыр чораан. Ону тываларның национал ажы-чеминиң бир кол хевири деп чугаалаза чазыг болбас. (Документы Нурсат Х.Ч.)

1. Тараа тарыын шөлдү белткээш, аштап арыглааш, суггарар, илииртээр.

2. Үрезинни хол-биле чажар, чайын ажаап суггарар.

3. Күзүн хол кадыыры-биле кезер, бастырар, арыглаар.

Чиңге-тарааны хоорарының бурунгу технологиязы:

1. Эмин эртир улуг эвес отка дүгүн чымчадыр соолдурар.

2. Өй-тап отка хоорар.

3. Кара дүгүн согааш-бала-биле соктаар, деспиге челбиир.

4. Ак-дүгүн азы шокарын ийи дугаарында соктаар,челбиир.

5. Сөөлгү катап арыдыр соктаар, деспи-биле хевээн элгээр.

Тараа дугайында улустуң аас чогаалында:

Тараам турда, тодуг-ла мен,

Таңдым турда, таңдаш-ла мен.

Хемчиим турда, тодуг-ла мен,

Хевээм турда, хертеш-ле мен.

(Улустуң ыры)

Танышпасты таныштырган

Тараа тараан Хөндергейим.

Тараа тараан Хөндергейге

Таңды сынның эзири мен.

Көрүшпести көрүштүрген

Көже тараан Хөндергейим.

Көже тараан Хөндергейге

Хөртүк сынның эзири мен.

Чап Чүлдүм. ТАРААНЫҢ ТЫВЫЛГАНЫ

Бир-ле катап олут орбас, чыдын чытпас экер эрес ядыы эр кадагааты өске чуртка чоруп чорааш, ол черниң улузу мал-маган, аң-мең-биле амыдыраарындан аңгыда, черге тараа тарып чип, кайгамчык тодуг-догаа чурттап турарын магадап көрген. Амдыы эр алыс чер-ле садыг-саарылгалыг кижи болгаш, амдан хоолулуг ол чемни садып алыр дээрге, ону чүгле алдын-мөңгүнге орнап-солуур, эң-не берге чүве - бодунуң чурт девискээринден дашкаар чаңгыс борбак үрезин-даа халаска үндүрүп болбас, а бир эвес ону кылыр болза, буруулуг кижиниң бажын ап шиидер шак ындыг каржы-дошкун хоойлулуг чер болган. Ам канчаар, амдыыгы эр чеже-даа эрес-кайгал бол, ядыы кижи болганда, алдын-мөңгүнү бар эвес, ынчалза-даа күзээни күштүг болгаш канчап-чооп-даа каш үрезинден аал-оранче алгаш чанар деп шиитпирлеп алган чүве-дир. Эр-даа чүү боор үжээшкин-чиндиишкинден үнер чаңгыс арга бодап ап-тыр. Ол чиңге-тарааның каш үрезинин дыргактарының аразынга салаа шаа-биле тырып алгаш, ук чурттуң кыдыг-кызыгаар даамалдарынга алдыртпайн, оран-чуртунга ыт чылында ынчалдыр ээп чанып келген иргин. Авазы оглунуң кедергей узун өскен дыргактарын кезип берип олурарга, ооң чадып алган эдээнге тоглап дүшкен тараа кош-адыш чедип турган чүве-дир. Оол тараазын чазын тарып кааш, күзүн ажаарга, кыштап чииринге четчип, үрезинге безин артып каап турган-дыр. Оон бээр-ле Тыва чуртунга чиңге-тарааны тарып эгелээн болгаш улус-чон тодуг-догаа чурттап, улам бай шыдалдыг апарган деп чугаалажыр. Өске база бир таварылгада Тывага чиңге-тараа үрезинин демги чурттуң кызыгаарын эрттир даңза соруулунга чажырып эккелгеш, тарадып нептереткен деп-даа чугаа бар-ла. А бода тарааның тывылганының дугайы база солун. Ол-ла кайгал эр ол-ла чурттан дагаалар садып алгаш, оларын арбай, ак-тараа-биле чемгерип чорааш, кызыгаарга үжеп-чиндиишкинден ынчалдыр арыг эртип кээп, аал-чурттунга келгеш, амдыы дагааларының иштинде арбай, ак-тараазын үндүр суйбап туруп, үрезин кылдыр чажып ап турган деп тоолчаан домак база бар.

Үлегер домактар:

Тараадан халбактананган – тодуг,

Малдан халбактанган – каас.

Таңды кежии – тараа төкпе.

Черниң каазы – чечек чулба.

Аалчының ады,

Ала-хаптың дүвү.

Даш чок черге тараа тарыыр,

Дазыл чок черден ай казар.

Паш тиккенде, от салыр,

Бала көдүргенде, тараа соктаар.

Частың хүнү –

Чылдың чеми.

Тараа дугайында тывызыктар:

Кудууртан келдим,

Кумдан сайдан келдим.

Кумдан сайдан келзе-даа,

Кумга сайга борашпадым. (Тараа)

Кезерге – узаар,

Чонарга – чооннаар. (Арбай-тараа шыгжаар уургай)

Буян талдың будуу чүс.(Тараа сывы)

Бурунгаартан үнген

Мугур сандан ыяштың

Будук бүрүзүнде – уя,

Уя санында – чуурга. (Сыпта тараа)

Сайлыг хемни өрү өскедим,

Сайга, самга борашпадым. (Тарааның чем тыртары)

Муң кара хөюм үш чыл болгаш агарды. (Чиңге-тарааны соктап арыглаары)

Чиңге-тарааның кадыкшылга ажык-дузазы:

Чиңге-тараа (орус. "просо") – чаңгыс чылдыг үнүш, сывы дорт, бүрүзү узун чиңге. Чиңге-тараа дээрге, шагдан бээр-ле тарып ажыглап келген, тываларның эки чеми-ле болгай. Ону кижи чииринден аңгыда, янзы-бүрү мал чемгереринге база ажыглап турар. Оон кадык, быдаа дээн ышкаш чемнерни кылыр. Ооң чемиштиг тургузуунда крахмал — 81%, белоктар — 12%, үс — 3,5%, клетчатка — 1 %, минералдыг бүдүмелдер, витамин В1, калийлиг дустар дээш өске-даа бүдүмелдер бар. Чиңге-тарааны чүрек, хан-дамыр аарыгларының үезинде, өл-шыктан тыптыр аарыгларга ажыглап турар.

Тараа дугайында чечен чогаалдар:

Кызыл-Эник Кудажы. “Тараа”

Алексей Толстой. “Хлеб”

Неверов Александр. “Ташкент - город хлебный”

Монгуш кенин-Лопсан. “Тыва чоннуң бурунгу ужурлары” ар. 432-443

Мерген сөстер:

Тарааны тарыыры, суггарары, ажаары-биле тыва чоннуң чаагай чаңчылдары холбашкан.

Вероника, 😄😄😄. хырным оршээ! Бир класс курзукпайым ынча деп бижип алган турган диин сактып келгеш.

DELETED

Оксана, 😆😆😆😆😆оон даа хойну билир ам арай уттундуруп каан

Алдын Натпит

Тараам труда, тодуг- ла мен, тайгам труда хертеш-ле мен. 8 кл онаалга бе. Тараадан богунде амыдыралывыска ажыглап турарывыс аъш-чемни барык шуптузун кылып будуруп турар. Далгандан кылыр аъш-чемнин унер дозу - тараа. Тараанын хевирлери: чинге- тараа, арбай, кызыл-тас д.о.х. Тараа дээш кижилер амы- тынын берип чораан. Тараа деп чогаалда Тарак-оолдун ачазы Суван ирейнин о/х ап болур.

Пончик Петрова

Хевирлери: Кызыл тас, арбай, ак тараа, чинге-тараа, сула, пшено, рис.

Чинчи Самдан

В принципе можно написать сочинение, и все.

Чодураа Адыг-Тюлюш

Чодураа Адыг-Тюлюш

Бо шагда ынчап барган чуве дийин, ада иези арай деп кылгаш чортур, ажы тол чуу даа билбес😳

Кира Григорьева

Эки номчуттунар болзунарза эки дир,автор.Уруунар биле катай.Тараа дугайында билбес дээрге кончуг багай дыр.Номдан шуптузун билип алыр болзунарза эки,ында кончуг таптыг,делгеренгей тайылбырлап бижип каан боор диин.Тараа деп чогаалды кичээнгейлиг номчуп таныжарынарны сумеледим.Школачыларнын торээн чогаал номунда бар,ынчалза даа узундулерин бижип каан чадавас боор.Ол чогаалды долузу биле номчуур болзунарза дыка солун,библиотекалардан тып ап болур силер.Тараа дээрге амыдыралдын дозу дур,тарааны камнанар,тараа дээш амы тынывысты берип чораан бис,деп турар домактар бар диин,дыка кээргенчиг.

DELETED

Эртемнерни номдан тывар! Эртинени черден казар! Тыва номнардан номчуп турар болза эки диин.

Айдын Оолак

Тандым турда тандашла мен Тараам турда тодугла мен Кум сайдан келдин Кум сайдан келзедаа Кумга сайга борашпадын дээр ийикпе аан сактып чадап кагдым Чинге тараа арбай,сула,актараа,(кызылтас) бир ындыг тоогу бар ийик чоп чартык арбай деп турар аан чуу депдаа каапас чуве бе аан дыка белен онаалга шээйл

Далай Куулар

Тараа дугайында бичии чечен чугаадан бижээш. Тараа баштай канчаан тывылгандан эгелээш ам бо уеде шупту устун хырнын тоттуруп турарга дээр бижээш. Чинге тараа деп ырыны бижип каар. Оон тараа шолунде деп шулук, улегер домак, тывызык дээш тываларнын чуулдеринден бижип каар. Тарааны баштай бир тыва моол чуртундан 1 борбак тараа оорлап аар икпе. Оон ону тарып ааш ковудедипле чораан ик чоп. Чылдан чылче. Ам шуптувустун ынак чеми дир. Оон биле хлеб, далган и т д.

Виктория Монгуш

Айхерел, мен чинге тарааны салааларынын дыргак ийи аразынче чажыра суп алгаш эккелген деп дыннаан мен. Моолдан эвес,кыдаттан. Азы та?

Далай Куулар

Ийе, ийе. Харн ындыг икпе. Чогум, канчаар тывылганын бижип каарга солун эс дир бе?

ДЕНЬ ПЕРВЫЙ, НАУЧНЫЙ

Не менее 120 участников из пяти районов республики, Кызыла и Турана собрались в Доме культуры райцентра. Красоту чаа-хольской долины, своей малой родины, воспевает поэтическим языком народный писатель Тувы Александр Даржай. Одно из его произведений, положенное на музыку Кертик-оола Данзына, стало гимном района.

В открытии конференции приняли участие глава района Станислав Сарбакай, министр природных ресурсов и экологии Чайзу Кыргыс, заместитель министра экономики Херел Бадарчи, сотрудник НИИ медико-социальных проблем РТ Мерген Кызыл-оол, директор Национального музея РТ Виктор Чигжит. Все говорили об актуальности тематики конференции, о традиционной пище тувинцев — чинге-тараа (жареном просе) и далгане (ячмене), на которых выросло не одно поколение тувинцев. Изготовление этих продуктов питания — процесс трудоемкий, поскольку ручной. Увидеть его от начала до конца, с момента жатвы до готового продукта — теплого тараа в чашке — участники конференции смогли на следующий день, где прямо в поле для них устроили мастер-класс.

Одним из центров зерноводства в Туве в советское время был Шанчы Чаа-Хольского района, о чем свидетельствует сохранившаяся с тех пор добротная дорога, по которой вывозили урожай, напомнил собравшимся экономист Херел Бадарчи. Есть утверждение: если хочешь стабильности — развивай сельское хозяйство. Валовой сбор зерна в 1970-х годах составлял 200 тыс. тонн, сейчас — 20 тонн. Поскольку в республике пока нет своего семеноводческого хозяйства, приходится ежегодно завозить семена на 40 млн. рублей. Восьмидесяти процентам зерноуборочных машин — более 20 лет.

Трогательным моментом была презентация диссертации Андрея Ашак-оола, ушедшего из жизни после тяжелой болезни в прошлом году, его дочерью, Аржааной Нурзат, преподавателем кафедры всеобщей истории и археологии ТувГУ.

— Папа начал изучать историю земледелия Тувы еще со студенческой скамьи. Посвятил ей 30 лет своей жизни, сумев охватить большой временной период — от III тыс. до н.э. до XIV века. Он был настоящим патриотом Тувы, — сказала она, сдерживая слезы.

К докладчику был вопрос: тувинцы всегда выращивали просо, но сейчас перестали. Не исчезнет ли эта культура?

ДЕТИ — ЗЕРКАЛО СЕМЬИ, НАЦИИ

О духовном, нравственном кризисе в семьях говорила кандидат психологических наук Татьяна Ондар. Растет социальное сиротство. Женщины не реализовываются как матери, обленились, перестали рукодельничать. Нужен не только кодекс мужчин, но и кодекс женщин. Кто сидит в тоне, сшитом собственными руками, спросила она у зала. Лишь одна женщина подняла руку.

Педагог приехала в Чаа-Холь вместе со своими студентами, которые демонстрировали некоторые экспонаты этномузея, организованного в центре практической психологии и этикета в пединституте ТувГУ. Большинство изделий изготовлено студентами и самой Татьяной Ондар. У тувинцев есть традиция хранить самое ценное в мешочках. Так появились в музее яркие мешочки из тканей с национальным узором и маленькими бубенчиками, чтобы отпугивать нечистую силу: для пуповины, чая, соли, камешек, игральных костей, артыша, табака и т.д. Полезные мешочки, а также саше (для благовоний), всевозможные обереги, украшения для кос, игольницы, сделанные собственными руками, могут стать украшением любого жилища. Такова суть фолк-арт-терапии в традиционной национальной юрте, которую пропагандирует Татьяна Ондар. Она считает, что матери не учат своих детей молиться, иначе как можно объяснить то, что на улицах плюют, выбрасывают из окон домов и машин мусор. Ведь земля — это божество, и тот, кто оскверняет ее, — аза, или черт.

Читайте также: